Бақыт Ниязбекқызы Түменова

Үлгі:Тұлға Бақыт Ниязбекқызы Түменова (қараша 1948, Қызылорда<ref>Үлгі:Cite web Үлгі:Wayback</ref> – 29 сәуір 2026)<ref>Үлгі:Cite web</ref> — қазақстандық дәрігер, қоғам қайраткері, саясаткер және денсаулық сақтау саласының сарапшысы, «Аман-саулық» қоғамдық қорының президенті.<ref>Үлгі:Cite web</ref>

Өмірбаяны

Бақыт Түменова 1948 жылы Қызылорда қаласында дүниеге келген.<ref name=":0">Үлгі:Cite web</ref>

Білімі

1972 жылы Семей мемлекеттік медицина институтын педиатрия мамандығы бойынша бітірген.<ref>Үлгі:Cite web</ref>

Еңбек жолы

• 1972–1986 жылдары Семей қаласындағы балалар жұқпалы аурулар ауруханасында дәрігер, бөлім меңгерушісі және бас дәрігер қызметтерін атқарған.
• 1986–1994 жылдары облыстық денсаулық сақтау басқармасында ана мен бала денсаулығын қорғау мәселелері жөніндегі орынбасар, кейін емдеу ісі бойынша бірінші орынбасар қызметтерін атқарған.
• 1994–1998 жылдары облыс әкімінің аппаратында Семей ядролық сынақ полигонының зардаптарын жою, ішкі саясат және әлеуметтік сала бөлімдерін басқарған.
• 1998–2001 жылдары Павлодар облысы әкімінің әлеуметтік мәселелер жөніндегі орынбасары қызметін атқарған.
• 2007 жылдан бастап «Аман-саулық» қоғамдық қорының президенті қызметін атқарған.<ref>Үлгі:Cite web</ref>

Қоғамдық қызметі

Денсаулық сақтау саласының сарапшысы ретінде бұқаралық ақпарат құралдарында қоғамдық денсаулық мәселелері бойынша пікір білдірген. Оның айтуынша, тәуелсіздік жылдарынан бері Қазақстанда өлім-жітім деңгейі шамамен 6 пайызға төмендеген.<ref>Үлгі:Cite web</ref>

«Аман-саулық» қоғамдық қоры

Бақыт Түменова «Аман-саулық» қоғамдық қорының президенті ретінде Қазақстандағы қоғамдық денсаулық сақтау, халықтың өмір сапасы және медициналық қызметтердің қолжетімділігі мәселелерімен айналысты, осы бағытта денсаулық көрсеткіштері өмір салтына, тамақтану мәдениетіне және медициналық көмектің сапасына тікелей байланысты екенін атап өткен.<ref>Үлгі:Cite web</ref> Сонымен қатар ол денсаулық сақтау саласының мамандарын, бизнес және үкіметтік емес ұйымдар өкілдерін өзара ынтымақтастыққа шақырып отырған. 2017 жылғы мамырда «Аман-саулық» қоғамдық қорының базасында инфекциялық емес аурулардың тәуекел факторларын төмендетуге бағытталған жұмыс тобы құрылып, оның құрамына Түменова бастаған сарапшылар қауымдастығы мен мемлекеттік органдардың 11 өкілі кірген. Аталған жұмыс тобы Ресей, Украина, Қырғызстан, Армения, Ұлыбритания, Аустрия, Израиль және АҚШ елдерінің халықаралық ғылыми қауымдастықтарымен ынтымақтастық орнатқан.<ref>Үлгі:Cite web</ref>

Қайтыс болуы

Түменова 2026 жылғы 29 сәуірде дүниеден өтті.<ref name=":0" />