Бақытгүл Дәуітбекқызы Ысқақ

Үлгі:Ғалым Бақытгүл Дәуітбекқызы Ысқақ (1 қаңтар 1963 ж. т. Шығыс Қазақстан (Семей) облысы, Тарбағатай (Ақсуат) ауданы, Ақжайлау ауылы) – тіл білімі маманы, филология ғылымдарының кандидаты. Н.К. Крупская атындағы Семей педагогикалық институтын қазақ тілі мен әдебиеті мамандығы бойынша (1985)  бітірген. «Ы.Алтынсарин» төсбелгісінің иегері.

Еңбек жолы

• Орта мектепте аға пионер вожатый (1980-1981),
• орта мектепте қазақ тілі мен әдебиеті мұғалімі (1985-1989),
• жоғары оқу орындарында оқытушы, аға оқытушы, доцент (1989-2017) болып жұмыс істеді,
• Ы. Алтынсарин атындағы Арқалық мемлекеттік педагогикалық институтының кафедра меңгерушісі (2007-2009),
• Ы. Алтынсарин атындағы Арқалық мемлекеттік педагогикалық институты оқу ісі және дүниетанымды қалыптастыру жұмыстары жөніндегі проректор  (2009-2017) лауазымдық қызметін атқарды,     
• Еңбек жолын Ш.Шаяхметов атындағы «Тіл-Қазына» ҰҒПО»КеАҚ-да жетекші ғылыми қызметкер (2009-2017),
• Терминология басқармасының басшысы (2019 ж.) қызметінде жалғастыруда.  

Негізгі ғылыми еңбектері

• Филология ғылымдарының докторы, профессор Ғ.Қалиевтің жетекшілігімен «М.Қашқаридың «Диуани лұғат ит-түрк» еңбегіндегі және қазіргі қазақ тіліндегі етістік категориясы» тақырыбында кандидаттық диссертация қорғады.
• 30-ға жуық ғылыми, ғылыми-әдістемелік мақалалары, монографиялық еңбегі жарық көрген. Қазақ тілінің морфологиясы, терминологиясы мәселелерімен шұғылданады.