Бауыржан Қыдырғалиұлы Байбек

Бауыржан Қыдырғалиұлы Байбек (19 наурыз 1974 жыл, Алматы) — қазақстандық саясаткер, Алматы қаласының әкімі (2015–2019). Саясат ғылымдарының кандидаты.

Шапырашты руынан шыққан.<ref>Новая Газета Казахстан - КЛАН — КЛАНЫ ВЫБИВАЕТ</ref><ref>Новая Газета Казахстан - Пройти по черте</ref>

Білімі

• «Болашақ» бағдарламасы бойынша Гете институтын (Бремен қаласы, 1995) «Неміс тілі»;
• «Болашақ» бағдарламасы бойынша Любек қаласындағы Жоғары мектепті (ГФР, 1998) педагог;
• Орталық Азия университетін (2002) халықаралық экономист мамандықтары бойынша бітірген.

Еңбектері

• «Хаттамалық іс-шараларды қамтамасыз ету бойынша тәжірибелік нұсқаулық» (2007, екі тілде)
• «Қазақстан Республикасының мемлекеттік хаттамасы» (2010) кітаптарының авторы;
• «Қазақстан Республикасының мемлекеттік хаттамасы» (2004) кітабының бірлескен авторы;
• «Президенттің бір жылы» (2006, 2007) кітабының құрастырушысы;
• 6 мақаланың, соның ішінде «Мемлекеттің сыртқы саяси қызметіндегі хаттама» (2010), «Шетелдік мемлекеттердің хаттамалық қызметін институттандырудың кейбір аспектілері туралы» (2010) және т.б. жарияланымдардың авторы.

Қызмет жолы

• 1999 жылдан - Майндағы Франкфурт қаласы ҚР Бас консулдығының референті, ата-анасы — Германиядағы ҚР Елшілігі экономикалық бөлімінің үшінші хатшысы (Берлин қаласы).
• 2002 жылдан — ҚР Президенті Әкімшілігі Жүйелі зерттеулер орталығының сарапшысы.
• 2003 жылдан — ҚР Президенті Хаттамасының ақпарат пен талдау секторының меңгерушісі.
• 2004 жылдан — бас инспекторы.
• 2006 жылдан — Хаттама жетекшісі.
• 2009 жылдың тамыз айынан — ҚР Президенті Әкімшілігі жетекшісінің орынбасары.
• 2013 жылдың қаңтарынан — "Нұр Отан" партиясы төрағасының бірінші орынбасары.
• 2015 жылдың 9 тамызынан — Алматы қаласының әкімі.
• 2019—2022 жылдары — "Нұр Отан" партиясы төрағасының бірінші орынбасары.

Қоғамдық қызметі

• ҚР Президентінің халықаралық «Болашақ» стипендиясы стипендиаттары қауымдастығы кеңесінің (2008 жылдан);
• Қазақ гуманитарлық заң университеті Қамқоршылық кеңесінің (2010 жылдан) төрағасы.
• С.Д. Асфендияров атындағы Қазақ ұлттық медицина университеті Қамқоршылық кеңесінің (2010 жылдан) мүшесі.

Марапаттары

• «Құрмет» (2008) орденімен;
• «Парасат» орденімен
• «Қазақстан Республикасының Конституциясына 10 жыл»
• «Қазақстан Республикасының тәуелсіздігіне 10 жыл» (2001),
• «Қазақстан Республикасының тәуелсіздігіне 20 жыл» (2011),
• «Астананың 10 жылдығы» (2008) медальдарымен;
• ҚР Президентінің алғыс грамоталарымен (2001, 2010) марапатталған.

Жеке өмірі

Қазақ, орыс, ағылшын және неміс тілдерін біледі.

Әкесі, Байбек Қыдырғали Мұқаметәмірұлы — зейнеткер, «Алматы қаласы бойынша жолаушыларды тасымалдау» КМК бастығының орынбасары болған. Анасы, Байбек Алтынай Құнғалиқызы — зейнеткер, «Қазгипротамақөнеркәсіп» бөлімінің бастығы, бас маманы қызметін атқарған.

Үйленген. Жұбайы — Байбек Жанар Кенжеғарақызы. 5 баласы бар.<ref name=zakonbio>Үлгі:Cite web</ref>

Хоббилерінің ішінде оқу, музыка және спорт бар.