Әлібек Қоңыратбайұлы Қоңыратбаев бетінің бастапқы мәтінін қарау

[[Сурет:Әлібек Қоңыратбайұлы.png|right|thumb]]
'''Әлібек Қоңыратбайұлы Қоңыратбаев''' (7.10.[[1907]], бұрынғы [[Сырдария губерниясы]] [[Ақмешіт уезі]] [[Шиелі болысы]], 7-ауыл – 2.12.[[1937]], [[Алматы]]) – [[жазушы]], аудармашы, сыншы.

[[Ташкент]]тегі Халық ағарту институтының екі курсын, ҚазПИ-ді бітірген. 1931 – 33 жылдары [[Қазақстан жазушылар одағы]]ның жауапты хатшысы, төралқа мүшесі, 1934 – 37 жылы “Әдебиет майданы”, “Қазақ әдебиеті” газет-журналдарында әдеби қызметкер, "Қазақстан" баспасында бөлім меңгерушісі болған. М.Жолдыбаев, [[Әуезов Мұхтар Омарханұлы|М.Әуезовпен]] бірге “19 ғасыр мен 20 ғасырдың бас кезіндегі қазақ әдебиетінің оқу кітабы” (1933) және “19 ғасыр мен 20 ғасырдың бас кезіндегі қазақ әдебиетінің хрестоматиясы” (1934); М.Жолдыбаев, М.Қаратаевпен бірге “Әдебиет хрестоматиясы” (1934), А.Әлібаевпен бірге “Хрестоматия” (3-сынып) атты оқулықтар мен оқу құралдарын жазған. Мольердің “Сараң” комедиясын, [[Иван Сергеевич Тургенев|Тургеневтің]] “Әкелер мен балалар” романын, [[Чехов Антон|Чеховтың]] “Ванька”, “Хамелеонын” т.б. шығармаларды қазақ тіліне аударған. 1935 ж. Гүлнар Дулатоваға қосылып, артында бір қызы қалған. 1935 ж.М. Дулатовтың ұлы қайтыс болғанда жерлеуге ер адамдардан А.Байтұрсынов екеуі ғана қатысқан. Саяси қуғын-сүргін құрбаны, 1937 жылы 17 наурыз күні тұтқындалып, сол жылдың 2 желтоқсанында НКВД-ның тергеу камерасында атылған. 1956 жылы толық ақталған. 2008 жылы шығармалар жинағы (Астана: "Фолиант") жарық көрген. Құрастырушы - Т.Қоңыратбай.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл</ref><ref>Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>

==Шығармалары==
* М.Жолдыбаев, М.Әуезов, Әл.Қоңыратбаев. XIX ғасыр мен XX ғасырдағы қазақ әдебиетінің оқу кітабы. А., 1933;
* М.Жолдыбаев, М.Әуезов, Әл.Қоңыратбаев. XIX ғасыр мен XX ғасырдағы қазақ әдебиетінің хрестоматиясы. А., 1934;
* М.Жолдыбаев, М.Қаратаев, Әл.Қоңыратбаев.   Әдебиет хрестоматиясы. А., 1936;
* Әл.Қоңыратбаев, А.Әлібаев. Әдебиет хрестоматиясының оқулығы. 4 класс. А., 1933;
* Оқпен тілдесті, 1933;
* «Қаскелең» поэмасы туралы. «Әдебиет майданы», 1934; 
* Екі Жүсіптің айтысы. «Әдебиет майданы», 1934, 
* Абай творчествосы. «Әдебиет майданы», 1934, 
* Неміс ақыныЛессинг туралы. 1928; 
* М.Горький қазақ әдебиетінде. 1929; 
* Ұлт өнерін өркендетелік. 1933; 
* Мольер. «Сараң» комедиясы. Аударма. 1935; 
* Жас қырандар. Пьеса. 1936.
* Әлібек Қоңыратбаев. Шығармалары. Астана "Фолиант", 2008.<ref>Қазақстан. Ұлттық энциклопедия. А., 2004, 6-том</ref>

==Дереккөздер==
<references/>

[[Санат:7 қазанда туғандар]]
[[Санат:1907 жылы туғандар]]
[[Санат:Шиелі ауданында туғандар]]
[[Санат:2 желтоқсанда қайтыс болғандар]]
[[Санат:1937 жылы қайтыс болғандар]]
[[Санат:Алматыда қайтыс болғандар]]
[[Санат:Қазақстан жазушылары]]
[[Санат:Қазақстан әдебиет сыншылары]]
[[Санат:Қазақстан аудармашылары]]
[[Санат:Саяси қуғын-сүргін құрбандары]]
[[Санат:КСРО-да атылғандар]]