Үшбөкенбай бітімі бетінің бастапқы мәтінін қарау

'''Үшбөкенбай бітімі''' — [[1838]] ж. 24 маусымда беріш руының батыры әрі биі [[Исатай Тайманұлы]] төрелік етіп, кесім шығарған жиын. Мұнда ол 6 жыл бойы жауласып, нақақтан қан төккен адай және кете руларын татуластырып, шапқыншылықты доғаратын билік айтты. Адайларға ежелгі қоныстары — Қарақұмды қайтарып берді. Есесіне адайлар қолынан қаза тапқан Сарман бастаған билердің әрқайсысын елшілік жоралғысына байланысты 5 адамға балап, кетелер қолынан өлген қарсы жақтың 15 ерін құнсыз қалдырды. [[Исатай Тайманұлы|Исатайдың]] шешіміне ешкім дау айта алмай, дауласушы тараптар бір-біріне өкпе-реніштерін кешіп, табысты. Осы жиын туралы [[Орынбор]] генерал-губернаторына хабарлаған казак-орыс атаманы, генерал-майор Покатилов (24.6. [[1838]]) пен Баймағамбет сұлтан Айшуақовтың (30.6. [[1838]]) ақпарларында Үшбөкенбай бітіміне [[Кіші жүз]]дің үш тайпа бірлестігінің игі жақсылары — Қайыпқали сұлтан, назар Жүсіп Құланұлы, шекті [[Есет Көтібарұлы]], адай [[Шабай батыр]], Мәмбетнияз мырза, кете [[Әлсейітов Құдайберген|Құдайберген]], т.б. келгендігі айтылады. Үшбөкенбай бітімінен кейін [[Исатай Тайманұлы|Исатай]] [[Кіші жүз]]дің төре биі, көшелі шешені, әлімұлы, байұлы және жетіру бірлестіктерінің көсемі ретінде халыққа танылды.
<ref>«Маңғыстау»энциклопедиясы, Алматы, 1997;
</ref>

==Дереккөздер==
<references/>

{{wikify}}

{{Суретсіз мақала}}

[[Санат:Тұлғалар]]


{{Stub}}