Тоғанас бетінің бастапқы мәтінін қарау

'''Тоғанас Бәйтікұлы''' ([[1812]] – [[1864]]) – [[батыр]], [[би]]. [[Сырдария]]ның төменгі ағысы бойында туып-өскен. [[Кіші жүз]] құрамындағы [[Шөмекей]] руынан шыққан. [[Хиуа]] және [[Қоқан]] хандықтарының жергілікті халыққа жасаған озбырлық әрекеттеріне қарсы тұрған. Тоғанас [[қарақалпақ]], [[түрікмен]] бектерімен де соғысып, олардың [[Сыр]] бойынан ауа көшуіне ықпал еткен. Хиуалықтармен бірнеше рет [[Қуаңдария]] бойындағы [[Аққыр]] тауы маңындағы «Қарақ» деген жерде айқасып, [[Қожанияз]] бекті ойсырата жеңіп, «Қожанияз – қамал бекінісін» жойып жіберді. [[Кенесары Қасымұлы]] басқарған [[ұлт-азаттық қозғалыс]]қа қатысып, [[Шөмекей]] жасағын басқарды. [[1845]] – [[1852]] ж. қоқандықтар мен хиуалықтардың бірнеше шабуылдарын тойтарып, барымталанған малдарды қайтарды. Тоғанастың өзінің арнайы мөрі, әкесі [[Бәйтік]] батырдан қалған ақ туы болған. Тоғанас ерліктері  ауызша, жазбаша деректерде, тарихшылар Е.Бекмаханов пен Ж. Қасымбаевтың еңбектерінде, зерттеушілер Қ.Бердәулетовтің «Бұқарбай батыр» ([[1992]]), Тоғанас Дайрабайдың «Тоғанас батыр» ([[1992]]) кітаптарында және «[[Келмембет]] батыр» ([[1998]]) жинағында көрініс тапқан.
<ref>Қазақ ұлттық энциклопедиясы, 18 том</ref>

==Дереккөздер==
<references />

{{wikify}}
{{Суретсіз мақала}}

[[Санат:Тұлғалар]]


{{stub}}