Мирхонд Мұхаммед ибн Хавандшах бетінің бастапқы мәтінін қарау

'''Мирхонд Мұхаммед ибн Хавандшах''' (1433 жылы, [[Балх]] – 24.2.(22.6.)1498, [[Герат]]) – [[парсы]] [[тарихшы]]сы. [[Герат]]тағы [[Темір]] әулеттері сарайында қызмет еткен, [[Әлішер Науаидың]] әдеби үйірмесінің мүшесі. “[[Пайғамбар]]лар, [[патша]]лар мен [[халифтар]]дың [[өмірбаян]]дары жөніндегі тазалық бағы” атты 7 томдық еңбегімен танылған. Мирхонд шығармалары [[еуропа]]лық зерттеушілер үшін [[Иран]] мен [[Орта Азия]]ның тарихы жөніндегі бірден-бір [[дерек]] ретінде ұзақ [[уақыт]] бойы қызмет етті. Әсіресе 6-томның кейбір [[бөлік]]тері мен бүкіл 7-томның (1522 жылға дейінгі оқиғаларды Мирхондтың немересі [[Хондемир]] толықтырған) [[құндылық|құндылығы]] жоғары. Өйткені ондағы [[оқиға]]лар сол тұстағы адамдардың [[баяндау]]ы негізінде жазылған. Қалған томдары бөгде [[зерттеу]]лер мен [[шығарма]]лар негізінде ешбір өңдеусіз құрастырылған. Бірақ [[шығарма]]лардың көпшілігі біздің заманға дейін жетпеген. Мирхонд еңбектері Шығыста [[литография]]лық әдіспен бірнеше рет басылды. [[Еуропа]]да кейбір бөлімдері ғана аударылып, [[жарық]] көрді. Мирхонд шығармаларының толық тізімі [[А.Е. Крымскийдің]] 1917 жылы [[Мәскеу]]де [[жарық]] көрген “[[Персия]]ның, оның әдебиеті мен дәруін [[теософия]]сының [[тарих]]ы” (3-том) атты кітабында келтірілген.<ref>Қазақ энциклопедиясы, 6 том</ref>
==Сілтемелер==
* [[Мәскеу]]  
* [[Пайғамбар]]  
* [[Еуропа]]
== Дереккөздер ==
<references/>

{{wikify}}

{{Суретсіз мақала}}

[[Санат:Тұлғалар]]


{{stub}}