Келес өңірі ескерткіштері бетінің бастапқы мәтінін қарау

'''Келес өңірі ескерткіштері''' - ежелгі [[тайпа]]лардан қалған ескерткіштер. [[Оңтүстік Қазақстан облысы]] [[Келес ауданы]] [[Келес өзені]]нің оң және сол жақ жағалауларында ежелгі тас дәуірінен орта ғасырларға дейінгі мерзімде өмір сүрген алғашқы адамдар мен тайпалардың тіршілік үшін жасаған құрал-[[сайман]], [[қару-жарақ]], мекенжайларын білдіреді. Бұлар осы өңірлерде, әсіресе, [[Қазығұрт тауы]]ның бөктері мен Келес даласында көптеп кездеседі. 1973 - 74 жылдары тас дәуірінің ескерткіштерін археолог Х.[[Хасен Алпысбаев|Алпысбаев]] зерттеген. Ол қасиетті Қазығүрттың бөктері мен Өтем, Қаржантау тауларынан, Жалпақсу I, ІІ, ІІІ, Қияқты, Су-сіңген, Жалғызарша жерлерінен көне тас дәуірлерінің тұрақты мекен-жайларын тапқан. Сондай-ақ, 1948 - 58 жылдары Г.В. Григорьев, А.Н. [[Бернштам Александр Натанович|Бернштам]], Г.И. [[Пацевич Героним Иосифович|Пацевич]], А.Т. Максимовалар зерттеу жұмыстарын жүргізіп, б.з.б. 3-6 ғасырларда өмір сүрген тайпалардың обаларын, 9 -12 ғасырлардағы тарихи тұрғындарды тұрақты мекенжайларын зерттеғен. Ал 1990 жылдан бастап Д.Тәлеев [[каңлы]] дәуірінен орта ғасырдың орта кезі (10 - 12 ғ.) мен соңғы кезеңінің археол. ескерткіштерін ғылыми айналымға енгізді.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

==Дереккөздер==
<references/>

{{Stub: Қазақ мәдениеті}}
{{Суретсіз мақала}}

[[Санат:Қазақстандағы археология]]
[[Санат:Оңтүстік Қазақстан облысы географиясы]]
[[Санат:Археологиялық ескерткіштер]]