Имашев газ-конденсат кен орны бетінің бастапқы мәтінін қарау

'''Имашев газ-конденсат кен орны''' - [[Атырау облысы]] [[Құрманғазы ауданы]] [[Шортанбай (ауыл)|Шортанбай]] кентінен 7 км қашықтықта орналасқан. Құрылымы [[1974 жыл|1974]]-[[1984 жыл|1984]] жылдары сейсмобарлау жұмыстарының нәтижесінде анықталған. Бұрғылау жұмыстары [[1985 жыл]]ы басталған. 

== Геологиялық құрылымы ==
Кен орны Астрахан дөңінің шығыс [[Периклиналь|периклинал]]ін күрделендіруші тұз астындағы көтерілімнен орын алған. Құрылымдық тұрғыдан бұл көтерілім – ортаңғы [[Карбон кезеңі|таскөмір]] шөгінділерінен құралған [[Брахиантиклиналь|брахиантиклинал]]ьдік қатпар. 

== Жатыс сипаты ==
Қатпар ендік бағытта созылып жатыр, аумағы 7х14 км. Өнімді қабаттар 3790 м тереңдікте жатқан башқұрт ярусының әктастарында шоғырланған. Шоғырлардың жалпы қалыңдығы 276 м. Коллекторлары кеуекті және кеуекті-жарықшақты, ашық кеуектілігі 9,51%.[[Газ]]ға қаныққан қабаттардың қалыңдығы 34 – 58 м. Газдың тәуліктік өнімділігі 71 мың м<sup>3</sup>, конденсаттікі 30,7м<sup>3</sup>. Конденсаттың тығыздығы 0,805 – 0,807 кг/м<sup>3</sup>. Кен шоғырларындағы бастапқы қабаттық қысым 55,7 МПа , температурасы 107°С.

== Құрамы ==
Газ құрамы: [[метан]] 75,75%, [[этан]] 3,68%, [[пропан]] 2,77%, [[бутан]] 1,82%, [[азот]] 4,95%, күкірт сутегі 15,6%, [[гелий]] 0,1%, аз мөлшерде [[Көмірқышқыл газ|көмір қышқыл газы]] бар. Кен орны толық барланып біткен жоқ.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 ISBN 5-89800-123-9, IV том</ref>

== Дереккөздер ==
{{дереккөздер}}

[[Санат:Атырау облысы кен орындары]]
[[Санат:Қазақстанның мұнай және газ кен орындары]]

{{stub}}