Жас қазақ (ұйым) бетінің бастапқы мәтінін қарау

'''Жас қазақ''' — [[1917 жыл]]ғы [[Ақпан төңкерісі]]нен кейін [[Ақмола]] (қазіргі [[Астана]]) қаласында құрылған қазақ жастарының ұйымы. 

Мүшелерінің саны 50 адамға дейін жеткен. Төрағасы — [[Сәкен Сейфуллин]], мүшелері қатарында Б.Әділов, [[Бәкен Серікбаев]], Б.Айбасов, А.Асылбеков, т.б. болды. “Жас қазақ” ұйымы социал-демократиялық бағытты ұстанды. [[Ресей]]дің федеративті республика болуын жақтады. Халық ағарту жұмыстарын жүргізуді, саяси істерге белсене араласуды алдына мақсат етіп қойды. “[[Айна журналы|Айна]]” атты журнал шығаруды қолға алды. Ұйым мүшелері 1918 жылы көктемде Сейфуллиннің “Бақыт жолында” деген пьесасын сахнаға шығарды. Одан түскен қаражат [[Омбы]]да оқып жүрген қазақ балаларына берілді. Ақмола уездік қазақ комитеті құрамына “Жас қазақ” ұйымы өз мүшелерін енгізді. 1918 жылы 5 — 13 мамырда Омбы қаласында өткен жалпықазақ жастарының съезіне “Жас қазақ” ұйымы атынан Асылбеков пен C.Садуақасұлы қатысты. “Жас қазақ” ұйымы өлкеде кеңес өкіметінің орнауын қуаттады. <ref>Қазақ энциклопедиясы</ref>

== Дереккөздер ==
{{дереккөздер}}


{{stub}}
{{wikify}}
{{Суретсіз мақала}}

[[Санат:Қазақстан тарихы]]
[[Санат:Қазақстан қоғамдық ұйымдары]]