Ералхан Әлмаханұлы Әбішев бетінің бастапқы мәтінін қарау

'''Ералхан Әлмаханұлы Әбішев''' (24.1.1961 жылы туған, [[Шардара ауданы]], [[Көксу (Оңтүстік Қазақстан облысы)|Көксу]] ауылы) – әнші. Орта мектепті [[Келес]] ауданындағы [[«Бірлік»]] кеңшарында бітірген. 1978 жылы [[Алматы]] музыка училищесінің, ал 1984 – 1989 жылдары [[Құрманғазы]] атындағы консерваторияның [[ән]] бөлімінде оқыды. Одан соң [[Шымкент]]тегі [[Мәдениет]] институтында [[эстрада]] оркестрінің дирижері мамандығы бойынша білімін жетілдірді. Осы жылдар аралығында [[«Досмұқасан»,]] [[«Алматы Варьетесі»,]] [[«Гүлдер»]] және [[«Алтын дән»]] ансамбльдерінде әнші болып өнер көрсетті. 
1991 – 1997 жылдары [[Білім министрлігі]]нің Республикалық мәдениет үйінде бас [[дирижер,]] көркемдік жетекшісі әрі директоры болып қызмет етті. 1995 – 2003 жылдары [[«Тамаша»]] ойын-сауық отауында әнші, бұдан кейін [[«Күлкі керуені»]] әзіл-сықақ театрының әншісі әрі продюсері болды. 2003 жылдан бастап Әбішев өзінің жеке бағдарламасын жасап, көптеген байқауларға қатысты. Республикалық [[«Жігер»]] фестивалінің лауреаты (1985), сол жылы ''Бүкілодақтық студент-жастар конкурсының'' жеңімпазы болды. 1990 жылы [[Мәскеу]]дегі Халық шаруашылығы жетістіктері көрмесінде өткен студент жастар өнерінің фестивалінде, 1993 жылы [[Түркия]]да халық музыкасы мен билерінің фестивалінде лауреат атанды.<ref>Оңтүстік Қазақстан обылысының энциклопедиясы</ref>

==Сілтеме==
<references />

{{Суретсіз мақала}}

[[Санат:Тұлғалар]]