Белбеу Тастау бетінің бастапқы мәтінін қарау

'''Белбеу Тастау''' – [[ұлттық ойын]]. Ол көп адамның қатысуымен далада көгалда не [[төсеніш]] үстінде ойналады. Ойыншылар [[алқа]]-[[қотан]] отырады да, біреуі қолына [[белбеу]] ұстап, отырғандардың сыртын айналып жүріп, өзі ұйғарған кісінің сыртына білдірмей белбеуді тастап кетеді. Ол айналып келгенше сырт жағына белбеу тасталған адам сезбесе, ойын жүргізуші айыпты адамды шеңберді айналдыра қуалап: ''“Орныңды тап!”'' деп белбеумен соғады. Ал отырған адам белбеу тасталғанын сезіп қалса, белбеуді ала салып, жүргізушінің өзін қуып, сабалайды. Белбеудің қатты, жұмсақ соғылуынан ойыншылардың [[Көңіл күйі|көңіл-күйлері]] аңғарылып қалады. Ұлттық ойындардың басқа түрлері сияқты, белбеу тастаудың да өзіне тән тәрбиелік мәні бар. Ол жастарды [[шапшаңдық]]қа, [[төзімділік]]ке, [[батылдық]]қа баулиды. Ойынның мұндай түрі [[қырғыз]], [[түрікмен]] халықтарында да кездеседі.<ref name="source1">«Қазақстан»: Ұлттық энцклопедия / Бас редактор Ә. Нысанбаев – Алматы «[[Қазақ энциклопедиясы]]» Бас редакциясы, 1998 жыл, ISBN 5-89800-123-9, II том</ref>

<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

==Дереккөздер==
<references/>
{{Stub: Қазақ мәдениеті}}
{{wikify}}

{{Суретсіз мақала}}

[[Санат:Ұлттық ойындар]]
[[Санат:Қазақстан мәдениеті]]