Абай халық театры бетінің бастапқы мәтінін қарау

'''Абай халық театры''' - халық драма ұжымы. Көркемөнерпаздардың [[Семей облысы]] Абай ауданының Қарауыл селосындағы мәдениет үйі жанынан ұйымдасқан драма үйірмесі негізінде құрылды. 1917 ж. маусымда Ойқудықта [[Мұхтар Омарханұлы Әуезов|М. Әуезовтың]] «Еңлік-Кебек» спектаклімен шымылдық ашқан. 1967 ж. халық театры атағы берілді. Театр ұжымы бірнеше рет облыстық, республикалық байқауларға қатысты. [[Москва]]ның Кремль театрында да өз өнерлерін көрсетті. Театрдың көркемдік жетекшісі ҚазССР-інің еңбек сіңірген мәдениет қызметкері, режиссер Б. Баймұратов.

Театр 1984 жылы [[Әуезов Мұхтар Омарханұлы|Әуезовтың]] [[Абай спектаклі|«Абай» спектаклін]] сахнаға шығарды. Ұжым құрамында Бүкілодақтық Комсомол сыйлық лауреаты Б.Сағымбаева, Бүкілодақтық және респ. байқаудың лауреаттары ''М.Жанболатов, Ә.Закиров, М.Исатаев, Г.Қабышева, Ғ.Қасымов, Н.Момынжанов, Р.Нүрпейісова, О.Садуақасов, Т.Сәкенова,Б.Шағатаев,'' т.б. өуесқой өнерпаздар болды. Театр репертуарында ''[[Әуезов Мұхтар Омарханұлы|М.Әуезовтің]] "Абай", [[Мүсірепов|Ғ.Мүсіреповтің]] "Қозы Көрпеш - Баян сұлу", И.Мақатов пен С.Сұбханбердиннің "Соңғы күш", [[Ахтанов, Тахауи|Т.Ахтановтың]] "Боран", [[Әбішев Әли Әжімұлы|Ә.Әбішевтің]] "Қолға түскен шайтандар",'' т.б. пьесалары болды.Абай халық театры Семей облысы халық театрлары мен драма ұжымдарының байқауына М.Әуезовтің "Қарагөз" трагедиясымен қатысып 1- орынды жеңіп алды. 1966 ж. Алматыда өткен респ. байкауда осы спектакльді көрсетіп, 7 адам лауреат атанды. 1976 ж. Мәскеу қаласыннда [[Кремль театры]]нда [[Майлин|Б.Майлиннің]] "Жалбыр" спектаклін көрермен назарына ұсынып, театр ұжымына Бүкілодақтық байқаудың лауреаты атағы беріліп, медаль тапсырылды.<ref>Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

==Дереккөздер==
<references/>
{{Stub:Қазақ мәдениеті}}
{{wikify}}

{{Суретсіз мақала}}

[[Санат:Абай энциклопедиясы]]
[[Санат:Мәдениет]]