Мингечаур (ескерткіш) бетінің бастапқы мәтінін қарау

'''Мингечаур''' – [[Кавказ]]дағы ірі археологиялық ескерткіш. Әзірбайжан КСР, [[Мингечаур]] қаласына таяу жердегі Боздақ тауының бөктерінде орналасқан. Бұл археологиялық комплекс [[19 ғасыр]]дың соңынан зерттеле бастады. Археолог С. М. Казиевтің басшылығымен 1946-1953 жылдары Мингечаурда қазба жұмысы жүргізілді. Мингечаур құрамында 4 мекен және 3 үлкен зират (б.з.б. 3- мың жылдықтан –б.з. 17 ғасырына жатады) бар. Қазу кезінде сүйектен жасалған музыкалық аспаптар, 300-ден аса көзелер, 200-ден аса катакомбалық қабір (б.з. 1-8 ғасырлары), қыш ыдыстар мен бұйымдарды күйдіретін пештер, қыштан, шыныдан және күмістен жасалған ыдыстар, жүзіктер, темір қарулар, алтын сырғалар, Аршак әулетінің, грек пен римнің теңгелері, Сасани әулетінің мөрі табылды. Мингечаур ескерткіштері – Әзірбайжан мен оған көршілес елдердің 4 мың жыл бойығы тарихы мен мәдениетін зерттеуде құнды деректемелер. <ref>Қазақ совет энциклопедиясы 1976 жыл. / М.Қ.Қаратаев</ref>

== Дереккөздер ==
{{дереккөздер}}

[[Санат:Ескерткіштер]]
[[Санат:Әзірбайжан ескерткіштері]]