Катаринский Василий Владимирович бетінің бастапқы мәтінін қарау

:'''''Катаринский Василий Владимирович'''''<ref>“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
ISBN 5-89800-123-9</ref> (''20.5.1846 – 1902, Ресей, Орынбор'') – орыс шығыстанушысы, ағартушы, миссионер. 
*[[1864]] – 72 жылы [[Қазан]] қаласындағы діни семинарияны, кейін діни академияны бітірген. 
*[[1872]] – 75 жылы [[Чебоксары]] қаласындағы уч-щеде бақылаушы, оқытушы қызметтерін атқарған. 
*[[1875]] жылы 20 қыркүйектен бастап  Орынбор округінде татар, башқұрт және қазақ мектептері жөніндегі округтік инспектор болып тағайындалып, осы жұмысты ұзақ жылдар бойы атқарды. Оған қосымша діни мектептердегі оқу-тәрбие жұмысының барысын бақылап отыру тапсырылады. 
*[[Алтынсарин|Ы.Алтынсариннің]] оқу ісі саласындағы идеяларын қолдап, оның іске асуына тікелей көмектесті.
*[[1879]] жылы Алтынсарин [[Торғай]] уезінің мектеп инспекторы міндетін атқара бастаған кезден кейін, олардың қарым-қатынасы, кездесуі мен хат жазысуы жиілей бастайды. 
*Торғайда облысы және ауылдық уч-щелер мен мектептердің ашылып, қалыптасуына көп еңбек сіңірді. Ырғыздағы қыздар училещесі мен Орскідегі қазақ оқытушыларын даярлайтын мектепке қамқоршы болды. 
*[[1893]] жылы Орынбордағы мұғалімдер мектебі  оқушыларының [[Мәскеу]]ге экскурсияға баруын ұйымдастырған да Катаринский еді.
Орынбор оқу округіне қатысты оқу-ағарту істерімен байланысты құжаттар даярлап, олардың жүзеге асуына ерекше көңіл бөлді. “Положение об аульных русско-казахских школах Тургайской области”, тағы басқа ресми құжаттардың авторы (редакторы) болды.

*Қазақ мектептері үшін орыс тілінде 
**“Қырғыздарға арналған әліппе” (“Букварь для киргиз”), 
**“Қырғыздарға арналған орыс тілінің бастапқы оқулығы (“Первоначальный учебник русского языка для киргиз”) 
атты оқу құралдарын ([[1894]]) жазды. 
*Қазақ тілінің грамматикасын жазып, сөздігін жасауға да қатысты. 
*[[1897]] жылы “Қырғыз тілінің грамматикасы” (“Грамматика киргизского языка”, Орынбор, [[1897]]) мен “Қырғыз-орыс сөздігі” (“Киргизско-русский словарь, Оренбург, [[1897]]) басылып шықты. Сондай-ақ,  “Қырғыз мақалдарының жинағы” (“Сборник киргизских пословиц”), ”Қырғыз этнографиясы жөніндегі материалдар” (“Материалы по этнографии киргиз” Орынбор, [[1899]]) құрастырды.
Ол христиандық діни кітаптарды қазақ тіліне аударып бастырып (“Ізгі Иосиф”, “Ізгі ғайыб”), қазақ-орыс мектептеріне оқулық ретінде ұсынып, миссионерлік іспен де шұғылданды.<ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref>
==Дереккөздер:==
<references/>

{{wikify}}

{{Суретсіз мақала}}

[[Санат:Қазақ тілі]]
[[Санат:Тұлғалар]]


{{stub}}