Әміре Сұлтанмұратов
Қазақстан Энциклопедиясы жобасынан алынған мәлімет
Әміре Сұлтанмұратов(07.02.1870, қазіргі Көкшетау облысы.,Айыртау ауданы.,-1950, сонда)- қазақ ақыны. Жастай ел ішіне ақын ретінде танылған. Сұлтанмұратов 1916 ж. патша өкіметіне қарсы өлең шығарғаны үшін жер аударылып, 2 жыл Атбасарда болды. Қазан революциясынан кейін кеңестік жаңа өмір және В.И.Ленин туралы көптеген өлең жазды. «Аманкелді батыр» (1924) дастанын шығарды. Оның бірсыпыра өлеңдері «Ленин деп халық жырлайды» (1969) «Песни степей» (1940) т.б. жинақтарға енді, республикалық баспасөз беттерінде жарияланды. Сұлтанмұратов- Республикалық ақындар слеті (1937) мен ақындар айтысының (1943) жүлдегері. Қолжазбалары Қазақ АКСР ҒА Орталық ғылыми кітпаханасында сақтаулы.
Қолданылған әдебиет
Қазақ Совет энциклопедиясы, 1976 жыл, Алматы,10 том, 462 бет
