Әзірет Сұлтан мешіті

Сурет:Construction of new mosque close to Palace of Peace and Reconciliation.jpg

21 қыркүйек 2011

Хазрет Сұлтан мешіті — Астана қаласындағы орналасқан мешіт. Дәстүрлі ислам стилінде салынған ғибадат үйі Бейбітшілік және келісім, Тәуелсіздік сарайлары мен «Қазақ елі» монументі сынды айбынды нысандармен іргелес орналасқан. Рухани орын 13 га. жерді алып жатқан аумақта орналасқан, ме­шіт­тің жалпы аумағы 17, 7 мың шаршы метрді құрайды. Мешіт жобасы қазақтың дәстүрлі ою-өр­нектері мен ұлттық нақыштағы сәндік элементтері қолданыла отырып, классикалық ислам үл­гісінде орындалған. <ref> Егемен Қазақстан газеті</ref>

2014 жылы Хазрет Сұлтан мешітінің бас имамы болып Серікбай Ораз тағайындалды.

Мешіттің ашылуы

Хазрет Сұлтан мешітің құрылысы 2009 маусым айында басталған болатын. 2012 жылдың 15 қаңтар күні мешітте өрт болуына байланысты көктемде ашылуы керек мешіт құрылысы кейінге шегерілді. Нұрсұлтан Назарбаев Астана қаласын дамытуға арналған жиналыста Хазрет Сұлтан мешітін салып жатқан құрылыс компаниясына құрылысты 6 шілде күні аяқтауды бұйырды. 2012 жылдың 6 шілде күні Хазрет Сұлтан мешітің салтанатты түрде ашылуы өтті. Ашылу салтанатына ҚР-дың президенті Нұрсұлтан Назарбаев қатысты.

Мешіт жайлы айтылған сөздер

Құрылыс жұмыстарына жоғары баға берген ҚР Президенті, 2011 жылы 7 желтоқсан күні мешітті зиярат етіп былай деді: «Бұл Орталық Азиядағы ең үлкен мешіт болып табылады. Ол мемлекет есебінен емес, адамдардың қосқан қаражатының есебінен салынып жатыр. Мешіттің құрылысы алдағы жылы аяқталады. Сол кезде салтанатты түрде ашатын боламыз», – деді.<ref> Ислам және Өркениет газеті.</ref>

Мешіттің күмбезі

«Хазірет Сұлтан» мешіті – Қа­зақстан бойынша ең үлкен күм­безді мешіт. Оның биіктігі – 51, ені – 28,1 метр. Ал бұл күм­бездің жиегіндегі 8 күмбездің әрқайсысының ені 7,6 метр, ал вестибюль күмбезінің ені 15,2 метр. Мешіттің айшықты келбетін 4 мұнара толықтырады. Олар­дың әрқайсысының биіктігі 77 метр. <ref> Егемен Қазақстан газеті</ref>

Сипаттамасы

Имандылық ордасы үш қа­бат­тан тұрады. Әр қабатта ғиба­дат­хана залдары, неке қиюға және дәрет алуға арналған бөлмелер, Құ­ран оқуға және оқу ағарту­шы­лық топтың сабақ оқуына ар­нал­ған залдар, асхана бар. Мешітте ерлерге арналған 4 000 адамдық намаз залы, халыққа қызмет көр­сету орны, әйелдерге арналған 1 000 орындық намаз залы, имам, наиб имам, азаншы бөлмелері ор­наласқан.<ref> Егемен Қазақстан газеті</ref> Сондай-ақ арнайы неке қию бөлмесі, кітапхана сынды қосымша орындармен жабдықталған.<ref> Ислам және Өркениет газеті.</ref> Мешіттің алдыңғы жа­ғынан қабырғалары табиғи тастармен әрлендірілсе, темір-бе­тон­ды күмбездері металмен көм­керіле өрілген.<ref> Егемен Қазақстан газеті</ref> Жоба жетекшісі Шефик Искендероғлының айтуынша, құрылысқа қажетті материалдар әлемнің 11 елінен жеткізілген. Сондай-ақ, отандық өнімдер де пайдаланылған.<ref> Ислам және Өркениет газеті.</ref>

Жоба классикалық ислам стилі мен дәстүрлі қазақ орнаменті және декоративті элементтер қосындысы ретінде құрастырылған.<ref>ҚМДБ ресми сайты</ref> Жалпы құрылыс аумағы 20,6 мың шаршы метрді құрайды. <ref> Ислам және Өркениет газеті.</ref>

2012 жылы 15 қаңтар күні Хазрет Сұлтан мешітінде өрт болды. Өрттің салдарынан 1 адам қаза тапты. Өрт көлемі 800 кв. метрді қамтыған.<ref>Пожар в мечети Астаны потушен</ref> Кейінірек 21 ақпанда сараптама нәтижесі бойынша хабарланғандай өрт себебіт салғырттық, техникалық қауіпсіздік ережелерін сақтамағандық деп танылды. <ref> [1]</ref>

Мешіттің ресми веб-сайты жұмыс істейді. <ref>Хазрет Сұлтан мешітінің ресми веб-сайты</ref>

Дереккөздер

<references/>