Үшкір құртшөп
Қазақстан Энциклопедиясы жобасынан алынған мәлімет
Үлгі:Taxobox Үшкір құртшөп<ref>Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5</ref> (Үлгі:Lang-la) – қоңыраугүлдер тұқымдасының құртшөп туысына жататын көп жылдық өсімдік.
Ботаникалық сипаты
- Биіктігі 50-70 см.
- Сабағын қысқа және ұзын тікенекті түк басқан, жоғарғы бөлігі жалаң.
- Жапырақтары қалың, ұшына қарай кішірейеді, ұзынша жұмыртқа немесе таспа-қандауыр тәрізді, жиегі өткір тісті. Төменгі жапырақтары сағақты, жоғарғылары сағақсыз.
- Гүлшоғыры қарапайым, көкшіл ұсақ гүлдері көп гүлді шоғырға топтасқан. Тостағаншасының біз тәрізді тісшелері бар, күлтесінің ұзындығы 5-7 мм. Қауашағы қырлы, ортасында саңылаулары болады. Маусым-тамыз айларында гүлдейді.
Өсетін жері мен таралуы
Үшкір құртшөптің отаны Солтүстік Африка және Еуразия, сонымен қатар Түркия жерлерінде де таралған. Қазақстанда Қаратау жотасында, Батыс Тянь-Шань жотасында кездеседі. Ұсақ тасты жерлерде және таудың тасты беткейлерінде орта тұсына қарай өседі.
Дереккөздер
<references/>