Қиял Сабдалин

Үлгі:Жазушы Қиял Сабдалин (10.03.1948, Алматы облысы, Алакөл ауданы Жайпақ ауылы) — жазушы прозаик, журналист.

Өмірбаян

• 1948-ші жылы наурыздың 10-шы жұлдызы күні Алматы (бұрынғы Талдықорған) облысы, Алакөл ауданының Жайпақ ауылында жылқышылар отбасында дүниеге келген. Ата-анасы ұзақ жылдар Сталин атындағы колхозда (кейін «Коммунизм» кеңшары) еңбек еткен.
• 1966-шы жылы Мұқан Төлебаев атындағы орта мектепті бітірген алғашқы түлектерінің бірі.
• 1975-ші жылы Қазақтың Абай атындағы мемлекеттік университетін тәмамдады.
• Еңбек жолын жұмысшы болып бастады. Алғашқы өлеңдері мен әңгімелері аудандық, облыстық газеттерде жарияланды. Көптеген мақалалардың авторы, публицист.
• 1970 жылдары Алакөл аудандық «Жаңа өмір-Новая жизнь» газетінде әдеби қызметкер, бөлім меңгерушісі, редактордың орынбасары
• Алматы облыстық «Октябрь туы» газетінің редакциясында Алакөл, Бөрлітөбе аудандары бойынша меншікті тілші.
• 1980 жылдары республикалық «Ара-Шмель» журналында фельетон бөлімінің меңгерушісі болып қызмет істеді.
• 1980 жылдардың cоңынан АҚШ-тың «Азаттық-Азат Европа» радиосында қызмет атқарды. Радионың Қазақстандағы бюросының алғашқы жетекшісі болды. Мұстафа Шоқайдың 1936-шы жылы Берлин қаласында түрік жастарының алдында сөйлеген сөзін елге жеткізуші. "Азаттық" радиосына сұбхат берушілер қатарында Қазақстанның тұңғыш президенті Нұрсұлтан Назарбаев, Қазақстан Компартиясы Орталық Комитетінің бұрынғы бірінші хатшысы Дінмұхамед Қонаев және басқа саясаткерлер, ірі әдебиет, мәдениет, ғылым қайраткерлері, өнер шеберлері болды.

Қоғамдық қызметі

• 1990-шы жылы тең төраға ретінде Хасен Қожа Ахметпен және Аманжол Нәлібаевпен тізе қосып, "Желтоқсан" қоғамдық қозғалысын ұлттық демократиялық партияға айналдыруға күш салды. Алайда, ол жоспарлары түрлі себептермен жүзеге аспады.

Отбасы

• Зайыбы: Даимхан Смадиярқызы Сабдалина көп жыл банк, қаржы саласында қызмет етті.
• Ұрпағы: Екі ұл, екі қыздың әкесі. Немерелері: Жошы, Алдияр, Айғаным, Сардар, Салахиддин Сабдалиндер

Шығармалары

• роман Пайғамбардың көз жасы - (Слеза пророка).<ref>"Тоғанай Т" баспасы. ISBN 978-601-7409-54-8 УДК 821.512.122 ББК 84 (5 Қаз)-44</ref>

Шығарма желісіне екі ғасыр тоғысы - адам өмірін асау өзендей сапырған соңғы жүз жылдың өзекті оқиғалары, қара желдің өтінде ыңыршақ батқан арқаларына алмағайып заманы артқан, қара нардың белін үзердей зілмауыр жүктің салмағына ышқына сіңір созған, үш түрлі қоғамдық формацияны бастан кешкен үш ұрпақ, үш буын өкілдерінің өмірі арқау болған.