Қалпына келтіру құны

ҚАЛПЫНА КЕЛТІРУ ҚҰНЫ – қазіргі жағдайда – негізгі қорлардың ұдайы өндіріс құны, яғни тиімді нысандарды қалпына келтіру үшін жұмсалатын қажетті шығындардың ақшаға шаққандағы көлемі. Ол негізгі қорларды ұдайы өндірудің қайта бағалау сәтінде нақты қалыптасқан жағдайын: құрылыс-құрастыру және сметалық жұмыстардың келісімді бағасы мен сметалық нарқын, құрылыс материалдарының, отынның, энергияның, жабдықтың, құрал-сайманның, т.б-лардың көтерме сауда бағасын басшылыққа ала отырып айқындалады. Қалпына келтіру құны бухгалтерлік есепте – қалдықтық құнның бір түрі; мұнда ол негізгі қорлардың тозуды шегеріп тастағандағы нақты құнын көрсетуге тиіс.<ref>«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том</ref>

Дереккөздер

<references/>