Фтор-органикалық қосылыстар

Фтор-органикалық қосылыстар — молекуласында бір немесе бірнеше F–C байланысы бар қосылыстар. Фтор-органикалық қосылыстар химиясы 20 ғасырдың 2-жартысынан бастап тез дамыды. Көмірсутектердің, спирттердің, альдегидтердің, кетондардың, т.б. көптеген Фтор-органикалық қосылыстардың фтор туындылары белгілі. Бұл қосылыстар басқа галоген-органикалық қосылыстарға қарағанда өте көп. Фтор-органикалық қосылыстарды алу үшін органикалық қосылыстардағы хлор немесе бром атомдарын фтор атомымен алмастыру әдісі қолданылады: C₆H₅–CCl₃+3HF→C₆H₆–CF₃+3HCl 3CCl₄+2SbF₃→3CCl₂F₂+2SbCl₂ Электрохимиялық фторлау әдістерінде фторлайтын затты құрғақ фторлы сутекте ерітіп, электролиз арқылы перфторланған заттар алады. Фтор-органикалық қосылыстар техниканың көптеген салаларында кеңінен қолданылады. Ол фторопласттар, фторлы каучуктер, коррозияға төзімді жабын, т.б. алуда пайдаланылады. Медицинада Фтор-органикалық қосылыстардан жасанды жүректің қақпашалары мен тамыр дайындалады.

Тағы қараңыз

• Фтор қосылыстары

Сілтемелер

"Қазақ Энциклопедиясы", 9 том

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}

{{#invoke:Message box|ambox}}{{#if:||{{#if:||}}}}