Флорида университеті
Қазақстан Энциклопедиясы жобасынан алынған мәлімет
Флорида университеті (ағыл. University of Florida) — АҚШ, Флорида, Гейнсвилл қаласында орналасқан жоғары оқу орны. 1853 жылы салынды
Мазмұны
Тарихы
Университет ашылған күні деп 1853 жылдың 6 қаңтар күні есептеледі. Сол күні Флориданың губернаторы — Томас Браун, Флорида штатындағы жоғары білімді мемлекеттік қолдаумен қамтамасыз ету жайлы заң жобасына қол қойды. 1866 жылға дейін мекеме Шығыс Флориданың семинариясы деген атқа ие болған; ал Азамат соғысынан кейін аты Флорида Университетіне ауысты. Осы кезде жоғары оқу орнының орналасуы да ауысты — студенттер мен оқытушылар Гейнсвилл қаласына көшті. 1903 жылы университет құрамына ауылшаруашылық колледжі кірді және оқу орны заманауи түрге жетті.
1905 жылы штат колледждерін университет шатырының астына біріктіруге көмектескен Бакмен заңы шықты. Алайда, осымен қатар, заң жыныс пен нәсіл бойынша сегрегацияны бекітті. 1906 жылы Гейнсвеллде университеттік кампус ашылды.
1946 жылдан бастап абитуриенттер арасындағы университетке деген қызығушылықтары анағұрлым өсті. Олардың арасында көбісі жоғары оқу орындарына арнайы заң бойынша қабылданған, Екінші дүниежүзілік соғыстың ардагерлері болған. 1958 жылдан бастап афроамерикалықтарға университетте оқуға рұқсат берілді.
1985 жылы Америкалық университеттер қауымдастығының мүшесі бола келді.
Факультеттері
Университет қурамында келесі факультеттер бар:- Биологиялық
- Геологиялық,
- Геобиологиялық
- Геофизикалық
- Тарихи
- Философия тарихы
- Биофизикалық
- Ағылшын тілі
- Астрономиялық
- Компьютерлік жүйелер
- Инженерлік
- Геохимиялық
- Химиялық
- Экономикалық
- Менеджмент
- Социологиялық
- Физикалық
- Математикалық
- Биохимиялық
- Аэронавтика
- Механика
- Электрика және т. б.
Студенттері
Университетте 130 елден 9,5 мыңға жуық студент оқып жатыр. 2007 жылы Флорида университетінің Халықаралық білім институті зерттеу жасады. Зерттеуге сәйкес, ЖОО шетелдік студенттер саны бойынша елде 17 орынға ие болды<ref>Petersons.com Internation Student statistics</ref>.
Америка құрама штаттарында афроамерикалықтарға берілетін бакалавр дәрежелер бойынша екінші, ал испан тілді студенттер саны бойынша — үшінші орынды алады. Сонымен қатар, ЖОО афроамерикалықтарға берілетін доктор дәрежесі бойынша бесінші, ал латиноамерикалықтарға болса берілетін доктор дірежесі бойынша — екінші орында.
Мұражайлар
Университет жанында 1891 жылы салынған жаратылыс тарих мұражайы орналасқан. Онда аймақтың жаратылыс тарихына, мәдениетіне, биологиясына арналған көптеген экспонаттар бар. Мұражай топтамасында әлемдегі көбелектердің ең үлкен коллекциясы бар — 6 млн экземплярдан астам.
Сондай-ақ университет аймағында 1990 жылы салынған көркем мұражай орналасқан. Бұл жерде азиялық және африкалық суреттер, заманауи өнер заттары мен фотосуреттер бар.
Атақты ұстаздары мен түлектері
Университетте әр түрлі уақытта жұмыс істеген азаматтар:
- Гелл-Манн Мюррей (1929) — америкалық физик, 1969 жылғы физика саласындағы Нобель сыйлығының лауреаты.
- Харольд Крото (1939) — британдық химик, 1996 жылғы химия саласындағы Нобель сыйлығының лауреаты.
- Роберт Граббс (1942) — америкалық химик-ғалым, 2005 жылғы химия саласындағы Нобель сыйлығының лауреаты.
- Джеймс Макгилл Бьюкенен (1919) — америкалық экономист, 1986 жылғы Нобель сыйлығының лауреаты.
- Поль Адриен Морис Дирак (1902—1984) — ағылшын физик, кванттық физиканың теориялық негіздерінің шығарушысы, 1933 жылғы физика саласындағы Нобель сыйлығының лауреаты.
- Джон Роберт Шриффер (1931) — 1972 жылғы физика саласындағы Нобель сыйлығының лауреаты.
- Генрих Эйхгорн (1927 − 1999) — америкалық астроном.
- Джон Григгс Томпсон (1932)— математик-алгебраист, үш сыйлықтың лауреаты: Филдс медалінің(1970), Вольф сыйлығының (1992) және Абель сыйлығының (2008).
ЖОО студенттерінің арасында:
- Боб Грэхем (1936) — Флориданың 38-інші губернаторы әрі сенаторы.
- Майкл Коннелли (1956) — америкалық жазушы.
- Эл Хорфорд (1986) — баскетболшы, ҰБҚ «Атланта Хокс».
- Джоаким Ноа (1985) — ҰБҚ «Чикаго Буллз» ойыншысы.
