Тампонаждау ерiтiндiлерi

Тампонаждау ерiтiндiлерi - бұл тампонаждау үшiн пайдаланылатын арнайы материалдар немесе құрамдардың комбинациясы. Тампонажды қоспалар уақыт өтуімен тампонаждау тасы құрылған кезде қатая алады немесе тұтқыр немесе тұтқыр-илемдi жүйе ретінде қоюланып, қатая алады.

Тампонаждау түрлері

• ұңғыманы салу кезіндегі – технологиялық;
• ұңғыманы жою үшін арналған – ликвидациялық.

Тампонаждау ерiтiндiсi мен тасының функциясы тампонаждаудың мақсатымен шартталған. Осыған байланысты тампонаждау ерітіндісіне әртүрлі талаптар қойылады. Тампонаждау ерітінділеріне қойылатын талаптар:

• жақсы аққыштық;
• кез келген қуыс пен микрожарықтарға өте алуы;
• седиментацияның жоқтығы;
• шегендеуші құбыр мен тау жыныстарына жақсы жабысуы;
• қасиетін өзгерту үшін өңделу қабілеті;
• тампонаждалған тау жыныстары мен сумен әсерлеспеуі;
• жер асты суларының шаюшы әрекетіне шыдамдылық;
• жоғары температура мен қысым кезінді біртектілігі;
• қатаю кезінде тұнбаның түзілмеуі;
• бұрғылау сораптарымен жақсы айдалуы;
• жылжу кезінде үйкелістің аз болуы;
• басқа ерітінділермен араласу мүмкіндігі;
• технологиялық жабдықтан жақсы шайылуы;
• тампонаждау тасының оңай бұрғылануы

Тығыздығы бойынша тампонаждау ерітінділері былай бөлінеді:

• жеңіл - 1,3 г/см3 дейін;
• жеңілдетілген - 1,3 г/см3;
• орташа - 1,75 -1,95 г/см3;
• ауырлатылған - 1,95 -2,20 г/см3;
• ауыр - 20,20 г/см3 жоғары.

Ұсталу ұақытына байланысты :

• тез уақытта ұсталатын - 40 мин дейін;
• орташа уақытта ұсталатын -1 сағ 20 мин - 2 сағ;
• ұзақ уақытта ұсталатын - 2 сағ көп

Тампонаждау ерітінділерінің негізгі технологиялық параметрлері

Цементтік қоспа – цемент пен су қоспасы. Цемент алдын ала 80 мкм електен өткізіледі. Цементтік қоспа сфера тәрізді ыдыста 3 мин бойы қолмен араластырылады, арнайы араластырғыштарда 5 мин. Су цементті қатынас – су көлемінің цемент салмағына қатынасы

1. Аққыштық, см– цементі ерітіндінің жылжымалылығын анықтайды.
2. Тығыздық, г/см3 - Цемент ерітіндісі массасының көлеміне қатынасы.
3. Фильтрация, см3 - 30 минутта 1 атм қысыммен цементті ерітіндінің кағаз сүзгіден өткен мөлшері.
4. Цементтi ерiтiндiнің седиментацияға орнықтылығы - су бөлінумен анықталады, яғни седимиментация кезінде цементті ерітіндіден бөлінген судың мөлшерімен анықталады.
5. Қоюлану уақыты, мин, сағ - ерітіндінің аққыштықты жоғалту уақыты.
6. Ұсталу уақыты, мин, сағ – цементті ерітіндінің цементті тасқа айналу уақыты.