Серікқали Жақыпов

Қазақстан Энциклопедиясы жобасынан алынған мәлімет

Серікқали Жақыпов (1892, Атырау қаласы — 9.2.1939, Алматы) — мемлекет қайраткері.

1914 жылы Ордада Жәңгір хан мектебін бітіріп, Казталовкада бала оқытады. Сол жылы Лермонтовтың “Үш пальма” дастанын қазақшаға аударып, “Айқап” журналына бастырған. Кеңес өкіметін орнатуға белсене қатысқан Жақыповты Орал казактары қолға түсіріп, атуға апара жатқан жолда қашып құтылады. 1921 жылдың көктемінен Саратов губерниясы Новоузень уезінде губерниясы төтенше комиссияның өкілі, 1923 жылы Казталовка уездік атқару комитетінің төрағасы, сол жылдың күзінен Қазақ өлкесі коммунистік жастар одағының ұйымдастыру хатшысы, 1924 жылдың көктемінен Гурьев уездік комитетінің ұйымдастыру хатшысы, 1926 жылдан Таловка уездік комитетінің хатшысы, 1928 жылдан Респубоикалық төтенше комиссияның бөлім меңгерушісі қызметтерін атқарған.

Жақыпов 1923 жылдың қазан айынан Еңбекші қазақ (қазіргі “Егемен Қазақстан”) газетінің жұма сайынғы бір бетіне “Лениншіл жас” атымен жастар мәселесін көтеретін газет шығарып тұруды жолға қояды. Бас мақаланы үнемі өзі жазған. 1937 жылдың 5 — 6 мамыр аралығындағы түнде Қазақстан Ішкі істер халық комиссариаты (НКВД) алқасы “Қазақ антикеңестік, ұлтшыл-буржуазиялық, фашистік ұйымын әшкерелеп, жою” деген мәселені қарағанда, осы мекеменің дін және контрреволюцияға қарсы күрес бөлімінің меңгерушісі Жақыпов республикада ондай ұйымның жоқтығын дәлелдеп, мәселеге қарсы дауыс береді. Сол алқа мәжілісінің қаулысы бойынша “халық жауы” деген айып тағылған қазақ зиялыларын тұтқындау жөніндегі бұйрықтарды орындаудан бас тартады. Жақыпов 1937 жылдың 21 қыркүйегінде тұтқындалып, 1939 жылдың 9 ақпанында НКВД-ның ішкі түрмесінде дүние салады.<ref>Қазақ энциклопедиясы</ref><ref>Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8</ref>

Дереккөздер

<references/>

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub