Сексеуілдідала

Сексеуілдідала — Бетпақдала ныңоңтүстік-шығыс бөлігі. Жамбыл облысының, Мойынқұм ауданында.

Оңтүстік-шығыстан (Бірлік ауылы маңынан) солтүстік-батысқа, Керегетас жалына дейін 110 — 120 км-ге созылып жатыр, ені 20 — 30 км. Абстракт биіктігі 300 — 400 м, солтүстік-шығысында Шу-Іле таулары сілемдерінің (Жамбыл, Шоғырлы, Майжарылған, Хантау) етегімен, оңтүстік-шығысында Шу өзенінің аңғарымен шектеседі. Шөгінді малтатастардан, құм мен саздақтан түзілген. Жер бедері көне эрозиялық арналармен (ұзындығы 10 км, ені 10 — 20 м), қалдық төбешіктермен (ұзындығы 6 км, ені 2 км, биікт. 10 — 12 м), белесті құм жалдармен және ойдым-ойдым дефляциялық ойыстармен ерекшеленеді. Жер асты сулары 5 — 7 м тереңдікте кездеседі, минералд. 3 г/л. Тұздылау құмды өңір табиғатына бейімделген сексеуіл, күйреуік, баялыш, сарсазан, теріскен, жүзгін, жыңғылбас, құм қарағаны, т.б. өсімдіктер өседі. Мал жайылымы ретінде пайдаланылады, сексеуіл өсіретін және дайындайтын шаруашылықтар орналасқан.