Орақ Байдалыұлы
Қазақ Энциклопедиясы жобасынан алынған мәлімет
Орақ Байдалыұлы (1822, қазіргі Маңғыстау ауданы – 1910, Түрікменстан) – батыр, ақын, Маңғыстаудағы Досан Тәжіұлы бастаған ұлт-азаттық көтерілісі басшыларының бірі. Орақ Абыл, Махамбеттің ақындық рухында тәрбиеленіп өскен; патша өкіметінің отарлаушылық саясатына қарсы шыққаны үшін түрмеге түсіп, одан қашып шығады. Ел ішінде жүре алмай, түрікмен елін паналайды. Көне Үргеніш қаласының маңындағы Шикәбір қорымында жерленген. Орақ өмірінің көбін қуғын-сүргінде өткізген, ақынның сөз мұралары кейінгі ұрпаққа жетпей қалды. Оның тек «Орақтың қызбен айтысы» және «Орақтың әні» деген шығармасы белгілі.<ref>«Қазақстан» ұлттық энциклопедиясы (10 томдық), Алматы, 1998 – 2007. </ref>
Дереккөздер
<references/>
