Муссондық ағыс

Муссондық ағыс мұхит пен теңіз айдындарында муссон желдерінің әсерінен пайда болады.

Қыстық маусымнан жаз мезгіліне ауысу кезінде бағытын өзгертіп отырады. 100 – 200 м тереңдікке дейін таралады. Муссондық ағыс, негізінен, Үнді мұхитының солтүстік бөлігінде (қыста Азиядан Африка мен Австралияға, жазда – керісінше): экваторлық белдеуде, Арабия түбегінде, Бенгал шығанағында, Сомали түбегінің жағалауында қалыптасқан. Муссондық ағыстар Тынық мұхиттың батыс бөлігіндегі теңіздерде де (Банда, Ява, Оңтүстік-Қытай) байқалады. Жер айналуының ауытқу күштерінің, теңіздің толысу құбылыстарының, т.б. факторлардың әсерінен Муссондық ағыс кейде желдің негізгі бағытынан ауытқып отырады.<ref name="source1">Қазақстан энциклопедиясы, VI-том</ref> Үнді мүхитының терістігінде муссондық ағыстардың жылдамдығы 5—9 м/с-ке жетеді.<ref>Қазақ тілі терминдерінің салалық ғылыми түсіндірме сөздігі. Су шарушылығы. – Алматы, Мектеп, 2002.</ref>

Дереккөздер

<references/>