Момынбаев Байзақ Көпірбайұлы
Байзақ Көпірбайұлы Момынбаев (1946 жылы 1 тамыз, Сырдария ауданы) – ғалым, педагогика ғылымдарының докторы (1992) профессоры (1993). Қазақстан – Ресей білім академияларының академигі (1996).<ref name="Source 4">"Сыр елі энциклопедиясы"</ref>. Қазақстанның еңбек сіңірген ғылым қайраткері (2003). Қазақ мемлекеттік ауыл шаруашылығы институтын (ҚазҰАУ) бітірген (1969). 1969 – 2002 жылдары ауыл шаруашылығы институтында доцент, кафедра меңгерушісі, Ы.Алтынсарин атындағы Қазақ білім академиясында (1997 – 2002, вице-президент), президенті, Кәсіптік білім институтында директор, Қазақ ұлттық аграрлық университетінде ғылыми-педагогикалық, басшылық қызметтер атқарды. 2002 – 04 жылдан ҚР Ұлттық ғылым академиясының ғылыми кадрлар басқармасының бастығы. Момынбаев Қазақстандағы инженерлік педагогика бағытының дамуына, оқушы жастардың техникалық, бастауыш, орта және кәсіптік білім сабақтастығының теориялық, педагогикалық негіздерін қалыптастырушы. 200-ден астам ғылыми еңбек жазған.<ref name="Source 3">Қазақ Энциклопедиясы</ref>
Дереккөздер
<references/>
