Мойыл
Қазақстан Энциклопедиясы жобасынан алынған мәлімет
Мойыл (Үлгі:Lang-la) – раушангүлдер тұқымдасына жататын ағаштар және бұталар.
Ботаникалық сипаты
- Биіктігі 10 мге жуық.
- Қабығы қоңыр, жапырақтары кезектесіп орналасқан. Сағақтары ұзын, эллипс тәрізді, шеттері өткір ара тісті. Оның жоғарғы жағындағы жапырақтарының шеттерінде бездері бар.
- Гүлдері майда, ақ түсті, шоғырланып төмен салбырап тұрады. Гүл тостағаншасының қалақшалары да, гүл жапырақшалары да бес-бестен.
- Жемісі - қара сүйекше. Мамыр-маусым айларында гүлдейді.
- Жемісі тамыз-қыркүйек айларында піседі.<ref>Қазақстанның дәрілік өсімдіктері. Іскендіров Әбіш. Алматы "Қазақстан" 1982, 188 бет.</ref>
Өсетін жері
Қазақстанның барлық аймақтарында таралған. 2 түрі бар. Жиі кездесетін түрі – кәдімгі мойыл (Prunus padus).
Қолданысы
Мойылдан бояуыш зат және дәрілік препараттар алынады. Балды және әсемдік өсімдіктер. Сүрегі мықты, ағаш өңдеу шауашылығында қолданылады. Жемісімен құстар қоректенеді. Мәдени түрде де өсіріледі.
