Мендельсон

Сурет:Stamps of Germany (DDR) 1984, MiNr Block 076.jpg

Мендельсон-Бартольди Якоб Людвиг Феликс

Мендельсон, Мендельсон-Бартольди Якоб Людвиг Феликс (3.2.1809, Германия, Гамбург – 4.11.1847, Лейпциг) – неміс композиторы, дирижер, пианист. Ұстаздары – Л.Бергер (фортепиано), К.Цельтер (композиция).

Биографиясы

Мендельсон 9 жасынан пианист ретінде жеке концерт бере бастады. 17 жасында В.Шекспирдің “Жазғы түнгі түс” комедиясына жазылған увертюрасы оның ең үздік шығармаларының бірі саналды. 1843 жылы Германиядағы алғашқы музикалық жоғарғы оқу орны – Лейпциг консерваториясының іргетасын қалаушылардың бірі болды.

Шығармалары

Басты шығармалары:

• “Камачо тойы” (1827, Сервантестің “Дон Кихоты” бойынша),
• “Жат жерден оралу” (1829, Берлин) опералары;
• “Павел” (1836),
• “Илия” (1846),
• “Христом” шіркеулік хор музыкасы мен кантаталары, оркестрге арналған 5 симфониясы, 7 концерттік увертюрасы, шекті аспаптар оркестрі үшін жазған 13 симфониясы, т.б. аспаптық, ансамбльдік, камералық жанрлардағы туындылары бар.

Мендельсон 100-ге таяу ән мен 60 хор жазған.

Дереккөздер

* Қазақ энциклопедиясы