Кәмелеттік жас

Қазақстан Энциклопедиясы жобасынан алынған мәлімет

Кәмелеттік жасы — кемелденгендік, толысқандық, адамның бойы өсіп, бұғанасы қатқан, ақыл-ойы, рухани-моральдік жағынан жетілетін шағы. Бұл кезде адам қайратты, алға қойған мақсатын орындап шығарлықтай жігерлі, төзімді келеді. Балалық шақтағыдай албырттық пен қызуқандылыққа бой ұра бермей, байсалды, салмақты бола бастайды. Кәмелеттік шақта адамның бойындағы барлық қабілет-мүмкіншіліктері мейлінше ашыла бастайды<ref name="source1">«Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том</ref>.

Заң нормаларына сәйкес толық азаматтық қабілеттілік басталатын жас мөлшері. Сонымен қатар бұл жасқа жетумен бірге басқа құқықтар мен міндеттер пайда болады. Кәмелеттік жасқа жетпегендер неке қиғанда немесе заң белгілеген жастан бастап ерекше жағдай болғанда азаматтық қабілеттілікке ие болады, бірақ әдеттегіде дауыс беру, бала асырау және қамқоршы болу құқықтары берілмейді.

Дінде

  • Ислам дінінде кәмелеттік жасына (балиғат) жеткен ер немесе қыз бала мукалләф болады, яғни олардың міндеттері мен құқықтары пайда болады. Кәмелеттік жыныстық жетілумен байланысты. Ер балалар негізінен 12—15 жаста, қыз балалар 9—15 жаста кәмелеттік жасына жетеді<ref>Ислам — www.fondihlas.ru</ref>.
  • Яһудилік (иудаизм) дінінде еврей баласы кәмелеттік жасқа жеткенде (ер балалар 13, қыз балалар 12 жастан) ол өз істеріне жауап бере бастайды. 13 жастан бастап балалар үлкен адамдармен бірге құлшылықтарға қатыса бастайды.
  • Баһаи сенімінде кәмелеттік 15 жаста келеді.

Дереккөздер

<references/>

Тағы қараңыз