Касымхан Бегманов

Касымхан Бегманов<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл</ref> 1958 жылы 4 тамызда Оңтүстік Қазақстан облысының Кентау қаласында дүниеге келген. 1975 жылы Түркістан қаласына қарасты Бабайқорған орта мектебін, 1980 жылы Қазақ политехникалық институтының машина жасау факультетін бітірген. Әр жылдар да Шымкент қалалық троллейбустар басқармасына мастер, техника қауіпсіздігі жөніндегі инженер, эксплуатация бөлімінің бастығы, Шымкент облыстық комсомол комитетінің жауапты қызметкері, Түркістан қалалық Мәдениет бөлімінің бастығы, Шымкент қалалық атқару комитетінің жауапты қызметкері, бүкілодақтық балалар қоры облыстық бөлімшесінің төрағасы, Алматы қалалық Алмалы аудандық «Қазақ тілі» қоғамының төрағасы, «Жалын» журналының жауапты хатшысы, Қазақстан Жазушылар одағы жанындағы әдебиетшілер қауымдастығының бас директоры, Қазақстан Үкіметі Премьер-Министрінің кеңсесінде бас маман, референт, әлеуметтік мәдени даму бөлімінің аға референті, 1998-1999 жылдары Қазақтың мәдениет және өнертану ғылыми-зерттеу институты директорының орынбасары болып қызмет еткен. 2000 жылдан бастап «Тұран-Әлем Банк» АҚ-ның баспасөз және қоғамдық ұйымдарымен байланыс бөлімінің бастығы қызметін атқарды. Қазіргі кезде «БТА банкі» АҚ-ның Бренд кеңсесі бастығының орынбасары.

Еңбегі

Алғашқы өлеңдері 1976 жылдан республикалық мерзімді баспасөз беттерінде жарық көре бастады. Тұңғыш өлеңдер кітабы «Бастау» деген атпен «Жалын» баспасынан (1980) жарыққа шықты. «Жазушы» баспасынан «Қарашық» (1990), «Бесіктен бейітке дейін» (1997), «Өлке» баспасынан «Сағыныш» (2001), «Ол көктем оралмайды» (2006), «Менің Түркістаным» «Атамұра» баспасы (2008), «Ақ жаңбырлар әуейі», «Қайнар» баспасы (2007) атты өлеңдер жинағы мен екі томдық шығармалар жинағы «Ұшпақ» баспасынан (2007) жарық көрген. Өлеңдері орыс, түрік, өзбек, қырғыз, якут, қытай тілдеріне аударылып, мектеп оқушыларын арналған әдебиет хрестоматияларына, қазақ поэзиясының антологиясына енген. «Мұстафа Шоқай жолымен» атты ұлы тұлғаның жүріп өткен жолдарымен Наршоқы, Ташкент, Қоқан, Ферғана, Самарқанд, Санк-Петергбург, Баку, Тбилиси, Кутаиси, Батуми, Стамбул, Париж, Ножансюр-Марн, Шелль, Фонтенбло, Берлин тәрізді қалалардың түрлі архивтерінен алынған сирек құжаттар мен нақты фото деректерден тұратын тарихи-зерттеу екі томдық кітабы жуырда «Дәстүр» баспасынын жарыққа шықты. «Мұстафа Шоқай жолымен» атты көп сериялы деректі фильм түсірген. Белгілі композитор-жазушы Илья Жақановтың ақын өлеңдеріне жазылған әнде-рінің тарихы жайлы «Сырлы жүрек пернесі» атты лирикалық эссе кітабы 2008 жылы «Ұшпақ» баспасынан жарық көрген. «Мое последнее слово будет имя твое, любимая...» атты жыр жинағы орыс тілінде, белгілі ақын Ардақ Еженованың аударуымен «Дәстүр» баспасынан жарық көрген. Ел ішіне кең тараған көптеген ән өлеңдерінің авторы.

Жетістіктері

Республикалық Қасым Аманжоловтың 90 жылдығына арналған жыр мүшәйрасының бас жүйесін, Түркістан қаласының 1500 жылдығына арналған халықаралық ақындар мүшәйрасында бірінші орынды, Түркістан, Шардара аудандарының әнұрандарын анықтауға арналған республикалық байқаулардың бас жүлдесін жеңіп алған. Халықаралық жазушылар мен публицистер қауымдастығының мүшесі. Түркістан қаласының Құрметті азаматы.Қазақстан Жастар Одағы, халықаралық «Алаш» және Төлеген Айбергенов атындағы әдеби сыйлықтарының лауреаты (1989).

Дереккөздер

<references/>

{{#invoke:Message box|ambox}}{{#if:||{{#if:||}}}}

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}Үлгі:Bio-stub