Жақан Сыздықов

Қазақстан Энциклопедиясы жобасынан алынған мәлімет

Жақан Сыздықов (10.5.1901.бұрынғы Көкшетау облысы Чкалов ауданы - 23.10.1977, Алматы) - ақын.

1920 - 21 жылдары Көкшетаудағы қызыл мұғалімдер курсында оқыған. 1922 - 26 жылы Көкшетау уезінде азық-түлік кызметінде қызмет атқарған. 1926 - 29 жылы Ақмола губерниясының "Бостандық туы" газетінің жауапты хатшысы және редактордың орынбасары, "Қызыл Түркістан", "Оңтүстік Қазақстан", "Сталин жолы" (қазіргі "Жетісу") газеттерінің жауапты хатшысы, 1936 - 60 жылы Қазақ мемлекетін көркем әдебиет баспасында, Қазақстан Жазушылар одағында, Қазақстан Министірлер Кеңесі жанындағы телевизия және радиохабарларын тарату жөніндегі комитетте жүмыс істеген.

Шығармалары 1924 жылдан жариялана бастады. "Еңбек жемістері" (1929), "Табыс" (1932), "Найзағай" (1932), "Қызғалдақ" (1932), "Толқын" (1934),"Биік шыңда"(1935),т.б.өлең кітаптары басылып шықты. "Әлі қарттың әңгімесі" (1927), "Майкөл тамы" (1927), "Қос қыран" (1948) поэмаларының авторы. Ақынның шығармалары "Өлеңдер жинағы" (1937), "Шаттық үні" (1938) кітаптарына енген. "Арыс тарихы" (1932), "Маймыл ертегісі" (1933) (мұны парсы ақыны Әділқасым Jla-хутиден аударған), "Алмас" (1950), "Меруерт тау" (1953) дастандары халық ауыз әдебиетінің үлгілері, аңыз әңгімелер негізінде жазылды. "Түркия түнегінде"(1950), "Лақтырылған бөбек" (1954), "Ел бар сонау алыста" (1956), т.б. өлең-жырлары "Патрис Лумумба" (1961) дастаны, "Таңдамалы шығармалар" (1961, 1971, 1978), "Өмір лебі" (1964), "Асулар" (1968) атты өлеңдер мен поэмалар жинақтары басылып шықты. Орыс жазушысы Л.Н. Толстойдың "Арылу" (1955) романын, грузин халқының "Арсен туралы аңыз" дастанын, татар жазушысы Ғ.Ибрагимовтың "Қазақ қыз" (1960) романы мен "Алма шұбар" (1961) повесін, Ғ.Тоқайдың өлеңдері мен поэмаларын (1952) қазақ тіліне аударған. Ақынның бір топ өлеңдері мен поэмалары орыс тіліне аударылып, "Соколиное племя" (1958) деген атпен басылып шықты. Бірсыпыра өлеңдері өзбек, ұйғыр, татар. башқұрт, түрікмен. тәжік. қарақалпақ тілдеріне аударылды.<ref>“ Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6</ref>

Дереккөздер

<references/> Үлгі:Stub: Қазақ әдебиеті {{#invoke:Message box|ambox}}{{#if:||{{#if:||}}}}

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}