Жан тәсілім

Жан тәсілім — адам ғұмырының соңғы сәтін білдіретін ұғым. Діни сенім бойынша, адамның өзі өлгенімен, жаны кеудесінен босап, әлемдік кеңістікке шығып кетеді. Кеудеден жанның шығуы оңай емес. Ол — өте күрделі психикалық процесс. Жан тәсілім етер сәтінде адам қатты қиналады. Халықтың дәстүрлі дүниетанымында о дүниеге ерекше қиналыссыз, жеңіл аттанған адамдарды қасиетті деп санаған.