Екібастұз бөгендері
Екібастұз бөгендері – 1) Ертіс алабында, Ертіс-Қарағанды каналы бойындағы бөгендер тобы. Павлодар обл-ның Екібастұз қаласы мәслихатына қарасты аумақта орналасқан. Біреуі Екібастұз қаласынан солтүстікке қарай 17 км жердегі Жыңғылды көлінің шарасына Ертіс-Қарағанды каналының суын толтыру арқылы қалыптасқан. Аумағы 19,5 км², тереңд. 4,6 м, суының көлемі 90,14 млн. м3. Жиегінде қамыс, шалғын қалың өскен; 2) Екібастұз қаласынан солтіккеке қарай 25 км жердегі Шаңдақсор көліне канал суын толтыру арқылы қалыптасқан. Аумағы 42,7 км², тереңдегі 6,1 м, суының көл. 260 млн. м3. Алабында шалғын өскен. Бөгендердің суы Екібастұз жылу электр станцияларының пештерін (блоктарын) салқындату үшін (секундына 420 м3 су ауыстырып тұрады) пайдаланылады. Үлгі:Суретсіз мақала
