Дарын республикалық ғылыми-практикалық орталығы
«Дарын» республикалық ғылыми-практикалық орталығы - Қазақстан Республикасында дарынды балаларды анықтау, олардың потенциалдық әлеуетін дамытуға және іске асыруға жағдай жасауды мақсат ететін орталық.
Міндеттері:
- әлеуметтік-экономикалық өзгерістер жағдайында өз шығармашылық әлеуетін іске асыруға қабілетті дарынды балалар санын арттыру;
- дарынды балаларды әлеуметтік-құқықтық жағынан қорғау және психологиялық-педагогикалық сүйемелдеуді қамтамасыз ету;
- дарындылықты дамыту мәселесі бойынша педагогикалық және басшы қызметкерлердің кәсіби біліктілігін арттыру үшін жағдай туғызу;
- дарынды балалар мен талантты жастарға білім беру кеңістігінде халықаралық ынтымақтастықты дамыту;
- дарынды балалармен жұмыс бағыттарын бұқаралық ақпараттар құралдары арқылы кеңінен тарату жүйесін жетілдіру.
Мазмұны
Тарихы
«Дарын» республикалық ғылыми-практикалық орталығы «Дарынды балаларға арналған мектептерді дамыту және мемлекеттік қолдау көрсету» туралы 1996 жылғы Президент Қаулысын жүзеге асыру мақсатында, ҚР Үкіметінің 1998 жылғы 24 наурыздағы №256 шешімі негізінде құрылған. <ref>Үлгі:Cite web</ref>
“Дарын” республикалық ғылыми-практикалық орталығы – бұл:
• Дарынды балаларға арналған 4 республикалық және 54 облыстық арнайы мектеп-интернаттар, 23 қазақ-түрік лицейлері;
• 6 аймақтық орталықтар;
• 6 тәжірибелік мектептер мен ауқымдар;
• жалпы білім беретін пәндер бойынша мектеп оқушыларының республикалық олимпиадасы;
• оқушылардың республикалық ғылыми жоба жарыстары;
• республикалық олимпиадалық резерв мектебі
• жалпы білім беретін пәндер бойынша «Дарын» республикалық сырттай оқу мектебі;
• «Дарын» бағдарлы ауысым мектебі (олимпиадалық, гуманитарлық, жаратылыстану-маетматикалық, мәдени-танымдық, шығармашылық, жазғы – 6 бағытта жұмыс істейді);
• «Интеллектуал», «Кішкентай білгірлер» қосымша білім беру мектептері, «Жас ғалым» ғылыми мектебі;
• мұғалімдерді дарынды балалармен жұмыс істеуге дайындау:
- семинарлар;
- конкурстар;
- халықаралық конференциялар;
- дарынды балалармен жұмыс істеудің әлеуметтік инновациялық жобалар фестивалі өткізіледі.
• дарындылық психологиясы және педагогикасы аумағындағы ғылыми зерттеулер жүргізу (ҚР ҰҒА фундаменталдық зерттеулер бағдарламасы бойынша).
Сыртқы сілтемелер
Дереккөздер
<references/>
