Бейнеклип

Бейнеклип – жарнама, әндер әрі әнді орындаушылар. Сондықтан музыканттар режиссерді іздестіріп, онымен одақ құрады да, оқиға одан әрі сценарий, актерлерді таңдау, түсіру, монтаж түрінде өрбиді. Осы процестер үлкен күш-жігер мен шеберлікті, ізденгіштікті талап етеді. Алайда отандық бейнеклиптердің сәтсіздігі қысқа көріністер көп болған сайын, ол бейнеклип дәрежесіне ұқсап, соған сәйкестенеді деген режиссер ұғымының негізсіздігін айту керек. <ref>Қазақ телевизиясы. Энциклопедия. — Алматы: "ҚазАқпарат", 2009, 1-т. — 640 б. ISBN 978-601-03-0070-5</ref>

Батыс режиссерлері түсірген бейнеклиптер кәсіби дәрежеде түсіріледі. Себебі, аса жоғары дәрежедегі сандық технология көмегімен қадр дәл тандалынып, монтаж жүйелі құрастырылып, көркемдік шешім аса дәлдікпен орындалады. Соған сәйкес, орындалатын әннің мазмұнына ондағы көріністер үйлесімді келіп, олар іштей бірлікте қабысады.

Сөйтіп, аса күрделі, жетілген электрониканың көмегімен бейнеклиптің өн бойындағы түс, жарық, контур, сурет және өзгелердің композиция құрылымын ішкі қадрлар арқылы сан түрге өзгертуге болады. Бейнеклип тұрақты, әрі жинақы пішін. Оның теледидарда музыка мен жарнама саласында өз орнын табатындығы айқын.

Бейнеклипті хабарда ғана емес, хабар аралығындағы түрлі үзіліс сәттерінде пайдалану әлдеқайда тиімді болады. Бейнеклип эфирге берілетін хабар жайлы жарнама сипаттағы ролик, әлде поэтикалық, спорт типтес те болуы ықтимал. Егер телевизия мамандары осы жанрдың мол мүмкіндігін ашып, оны экранда жарасымды пайдалана алса, көп нәрсеге кол жеткізеді. Оған режиссер мен продюсердін шығармашылық киялы керек.

Дереккөздер

<references/>

{{#invoke:Message box|ambox}}{{#if:||{{#if:|[[Санат:Еш медиа файлы жоқ мақалалар/{{{1}}}]]|}}}}