Бауыржан Рамазанұлы Нөгербек

Бауыржан Рамазанұлы Нөгербек (6 тамыз 1948, Қарағанды облысы Ұлытау ауданы Ұлытау ауылы) – кинотанушы, өнертану ғылыми кандидаты (1989), Қазақстанның еңбек сіңірген қайраткері (1999).

Өмірбаяны

• 1971 ж. Мәскеу қаласындағы Мемлекеттік кинематография институтының кинотану факультетін (проф. Н.П. Туманованың жетекшілігімен) бітірді.
• 1981 – 1985 ж. Қазақстан Кинематографияшылар одағы басқармасының хатшысы болды.
• 1993 жылдан қазіргі Қазақ ұлттық өнер академиясында пед. қызметпен (2000 жылдан проф., 2001 жылдан кафедра меңгерушісі) айналысады.

Ол қазақ мультипликациялық кино саласын (“Ертегілерге тіл біткенде", Қазақстанның мультипликациялық киносы, 1984), сондай-ақ кино өнерінің зәру, көкейкесті мәселелерін (“Қазақстан киносы”, 1998) зерттеумен шұғылданады.<ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

Отбасы

• Үйленген. Жұбайы - Бекқожина Гүлжаһан Қалижанқызы, продюсер, шеберхана жетекшісі.
• Ұлдары - Нөгербек Сәкен, Нөгербек Баубек; қызы - Нөгербек Алтынай.

Дереккөздер

<references/>