Ақ күйе

Ақ күйе — аморфты кремний қос тотығы (SіO₂), майда дисперсті ұнтақ зат. Оның табиғи түрі — диатомит тау жынысы. Ақ күйе кристалдық кремний қос тотығына (SіO₂₎ қарағанда табиғатта аз кездеседі. Ақ күйе кремний қышқылын күйдірген кезде алынады. Оған балқытқыш қышқыл ғана әсер ете алады: SіO₂+4HF=SіF₄+2H₂O. Бұл реакция тек кремний қос тотығына тән. Ақ күйе резина толтырғышы ретінде пайдаланылады.