Анықтауыш

Үлгі:Shortcut1 Анықтауыш<ref>Орысша-қазақша түсіндірме сөздік: Ғылымтану. Жалпы редакциясын басқарған э.ғ.д., профессор Е. Арын- Павлодар: ҒӨФ «ЭКО», 2006. ISBN 9965-808-78-3</ref> деп сөйлемде негізінде зат есімнен болған мүшені сын, сапа, сан, мөлшер және меншіктік жағынан сипаттайтын тұрлаусыз мүшені айтады.<ref>Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3</ref>

Анықтауыштар қандай? қай? қайдағы? (недегі?) қашанғы? ненің? қанша? неше? қайткен? не еткен? деген сұраулардың біріне жауап береді.<ref>С. Аманжолов, Қазақ тілі грамматикасы, 1966 ж.</ref> Ол ирекпен белгіленеді.

Анықтауыш болатын сөз таптары

Анықтауыш болатын сөз таптары:

1. Негізгі, туынды сын есімдер анықтауыш болады:

   Мысалы: Ақ сары ат доп болып ішін тартқан

2. Зат есімнен болады:

   Мысалы: Қой қораның алдында электр моторының дүбірін естіді.

3. Сан есімнен болады:

   Мысалы: Жаңадан екі үй құрылып жатыр

4. Есімдіктен болады:

   Мысалы: Оспан мына қимылға тіпті сүйсініп кетті

5. Етістіктің есімше түрінен болады:

   Мысалы: Оқыған кітаптарым мені іске бастады

6. Ілік септік жалғауы жалғанған сөздер анықтауыштың қызметін атқарады

Мысалы: Көптің ісінде береке бар. Талаптанғанның еңбегі жанады.

Дереккөздер

<references/>