Қазақойл-Ембі бетінің бастапқы мәтінін қарау

'''Қазақойл-Ембі'''– мұнай-газ өндірісі кәсіпорны. Тарихы 1911 ж. [[Доссор мұнай кен орны|Доссор]] кәсіпорнының құрылуынан басталады. [[Ембімұнайгаз]] және Теңізмұнайгаз ААҚ-дары бірігіп, 1999 ж. Қ.-Е. ААҚ болып қайта құрылды. 2002 жылдан [[Қазмұнайгаз]] ұлттық компаниясының еншілес кәсіпорнына айналды.
Аталмыш қоғам республикадағы ең ірі мұнай компанияларының бірі. Құрамындағы 21 бөлімшенің алтауы негізінен мұнай өндіретін басқармалар. Олар: «Жайықмұнай», «Доссормұнай», «Мақатмұнай», «Қайнармұнай», «Құлсарымұнай», «Прорвамұнай» мұнай-газ өндіру басқармалары. Ал 15 бөлімше тікелей өндірісті қамтамасыз ету жұмыстарымен айналысады. Бұған қоса акционерлік қоғамның 100% жарғылық қорымен он алты жауапкершілігі шектеулі серіктестіктер құрылған. Олар өмірдің әр саласына өндіріске, құрылысқа, сауда т. б. бейімделген. Акционерлік қоғам еншісінде 45 кен орны бар, бүгінгі таңда олардың 33-і игерілу үстінде. <br />
Мұнай саласындағы мұнай іздеу, барлау жұмыстарында  «Қазақойл—Ембі» ААҚ біршама сәтті жұмыстар жасады. Жарты ғасыр бойы ядролық сынау аймағы болған Тайсойған өңірі үкімет қаулысымен акционерлік қоғамға жалға беріліп, акционерлік қоғам осы өңірге ешбір инвестициясыз, өз күшімен барлау жұмыстарын жүргізді. Нәтижесінде Қондыбай, Қазанғап, Уаз мұнай алаңдары дүниеге келді. Күрделі құрылыстан 80 км-лік Забұрын—Мартыши мұнай құбыры іске қосылды. «Қазақойл» мұнай компаниясының басшылығымен [[Жаңа Қаратон ]]кенті дүниеге келіп, 420 орындық мектеп, тұрғын үйлер бой көтерді. <ref>Атырау: Энциклопедия. -Алматы: Атамұра, 2000 ISBN 5-7667-9129-1</ref>

== Дереккөздер ==
{{дереккөздер}}
[[Санат:Мұнай]]
[[Санат:Қазақстан кәсіпорындары]]

== Түсініктемелер ==

[[Санат:Мұнай]]