Тілеуберді Қоңырауұлы Рысымбетов бетінің бастапқы мәтінін қарау

'''Тілеуберді Қоңырауұлы Рысымбетов ''' (1939 жылдары туған, [[Сарыағаш ауданы]]) – ғалым, ауыл шаруашылығы ғылымының докторы (1991), профессор, Экология академиясының академигі. [[Алматы]] зоотехникалық-малдәрігерлік институтын бітірген (1962). 1962 – 64 жылдары [[Оңтүстік Қазақстан]] мал шаруашылық бөлімінің тәжірибелік станциясында кіші ғылым қызметкер. 1964 – 69 жылдары Алматы зоотехникалық -малдәрігерлік институтында аспирант, оқытушы. 1969 жылдан ғылыми қызметтерде болып, кейіннен қаракөл ғылым-өндірістік бірлестігі бас директорының ғылыми жұмыстар жөніндегі орынбасары. Оның «[[Сасыр]]<nowiki/>дың химиялық құрамы, қоректілігі, қыр шөбінен пішендеме жасау технологиясы» атты еңбегін ғылыми конференция өте жоғары бағалады. Рысымбетов Одақта қаракөл қойын азықтандырудың теориялық және практикалық негіздерін қалаушы. Практикалық зор мәні бар, ғылыми еңбектері Қазақстанда 600 мың бас [[қаракөл қойы]]<nowiki/>н жайып-бағу технологиясының жаңа жобаларын жасауға пайдаланылды. Оның еңбектерінің желісімен ғылым-насихат кинофильмдері түсірілді. [[Самарқанд]] және [[Будапешт]] қалаларында өткен ІІІ және VІ Халықараралық қаракөл шаруашылығы симпозиумдарының дипломанты.

==Сілтемелер==
"Оңтүстік Қазақстан Энциклопедиясы"

{{wikify}}

{{Суретсіз мақала}}

[[Санат:1939 жылы туғандар]]
[[Санат:Ауыл шаруашылығы ғылымдарының докторлары]]
[[Санат:Қазақ ғалымдары]]
[[Санат:Оңтүстік Қазақстан облысында туғандар]]


{{stub}}