Омега акционерлік қоғамы бетінің бастапқы мәтінін қарау

'''«Омега» ААҚ''' - қорғаныс мақсатына қажетті өнімдер, сондай-ақ [[темір жол]] саласына, [[ауыл шаруашылығы]] техникасына арналған тораптар мен қосалқы бөлшектер шығаратын кәсіпорын. Ол 1969 ж. [[Орал]] прибор жасау зауыты ретінде салынды. 1996 жылдан — «Омега» ашық акционерлік қоғамы. Облыс орталығындағы Х.Есенжанов көшесінің бойында (42-үй) орналасқан, 7 өндірістік техникалық корпусы 60 мың м<sup>2</sup> аумақты алып жатыр. Оған темір жол тармағы кіреді, дербес жылыту ошағы, қосымша өндірістік үймереттері бар.

Зауыттың монтаждау-құрастыру, аспаптық және механикалық, т.б. цехтары әр алуан приборлар, электронды-автоматты кешендер, байланыс аппаратураларын, металды конструкциялар, қаңқалы-корпусты заттар, нақты механика бұйымдарын шығаруға мамандандырылған. Конверсия жағдайында [[зауыт]] ұжымы кардиологиялық есептеу кешендерін, тұрмыстық электр техникасы мен радиотехникалық бұйымдар, саяжайлар мен қосалқы шаруашылықтарды механикаландыру
құралдарын шығаруды игерген. Кәсіпорында химиялық-талдамалық, металлогриялық және механик-климаттық лабораториялар жұмыс істейді. Қазір мұнда 800 адам еңбек етеді.<ref>Батыс Қазақстан облысы. Энциклопедия. — Алматы: «Арыс» баспасы, 2002 жыл. ISBN 9965-607-02-8</ref>

==Дереккөздер==
<references/>
{{wikify}}

[[Санат:Қазақстан кәсіпорындары]]
[[Санат:1969 жылы құрылған компаниялар]]
[[Санат:Батыс Қазақстан облысы]]