Еңлік-Кебек ескерткіші бетінің бастапқы мәтінін қарау

[[Сурет:Enlik-Kebek Monument.JPG|thumb|right|Еңлік-Кебек ескерткіші]] [[File:Еңлік Кебек кесенесінде орнатылған тас.jpg|thumb|right|Еңлік Кебек кесенесіне орнатылған тас]]
'''Еңлік-Кебек ескерткіші'''. Махаббат мұнарасы — [[билер соты]]ның кесімі бойынша [[1780 жыл]]ы шілдесінде құрбан болған қос ғашық — [[Еңлік]]пен [[Кебек]]тің зиратына қойылған ескерткіш [[мұнара]]. [[Шығыс Қазақстан облысы]]ның [[Абай ауданы (Шығыс Қазақстан облысы)|Абай ауданы]]ндағы [[Ералы жазығы|Ералы жайлауы]]ның шығыс жағында, Семей — Қарауыл тас жолынан 5 км жерде. 

[[File:Еңлік-Кебек кесенесі (ескерткіші).jpg|thumb|Еңлік-Кебек кесенесі (ескерткіші)]]

[[Сурет:Махаббат мұнарасы.jpg|нобай|Махаббат мұнарасы, Семей қаласы]]
[[Ескерткіш]]тің қазіргі тұрған жері бұрын “[[Шұбартөбе]]” аталған. Ол ғасырлар бойы жаугершілік уақытта қарауыл қарайтын, ас пен тойларда бәйгеге қарақшы тігіп, көмбе болатын жиын орны болған. Оның басындағы Еңлік-Кебек ескерткішінің өз тарихы бар. 18 ғасырдың 80-жылдарында сүйіп қосылған екі ғашықты мейірімсіздікпен ат құйрығына сүйретіп өлтіруші топ олардың денесін өздерінің ақтық тілектері бойынша бірге көмеді. Келесі жылы Шұбартөбені қоныс еткен рулар Еңлік пен Кебектің қабірін таспен сандықшалап, қайтыс болған ағайындарын “ер-азамат жалғыз жатпасын” деп сол араға жерлейтін болған. Сөйтіп, бара-бара Шұбартөбе үлкен қорымға айналады. 1875 — 80 жылы [[Абай ауылы]]на қонақ болып, тобықты елін аралаған [[Біржан сал]] Ералы бойын жайлайтын мамай руындағы Салсары ([[Смағұл Мақышұлы]]) мен [[Құсайын Бейсенұлы]] деген атақты тоғызқұмалақшы, домбырашы, әнші салдарға сәлем бере келген жолы Еңлік — Кебек бейітін көреді. Келесі жылы Біржанның тапсыруымен Рыскелді деген тас қалаушы шебер Еңлік — Кебектің қабірін сандықшалап, басына құйма [[кірпіш]]тен шағын [[мұнара]] тұрғызған. Қабір сандықшасының тұрқы тұтас, құбыла жақ басы екі айыр болған. Бұл қабірдегі адамның екеу екендігін білдірген ишара болса керек. Кейін мұнара құлап, оның ізі ғана қалған. . «Абай жолы» романында «Ералы жазығындағы кішкене төбе» деп суреттелетін мұнда күллі ғашықтар символы болған Еңлік-Кебек [[мазар]]ы бар. «Көп жасамай, көк орған, Жарасы үлкен жас өлім» деген Абай сөзі [[құлпытас]]қа қашалыпты. 

1960 ж. Абай ауданының тұрғындары Еңлік пен Кебек бейітінің басына қазіргі жаңа ескерткішті тұрғызды.<ref>Қазақ мәдениеті. Энциклопедиялық анықтамалық. Алматы: “Аруна Ltd.”
ЖШС, 2005 ISBN 9965-26-095-8</ref>

== Дереккөздер ==
{{дереккөздер}}

[[Санат:Тарихи ескерткіштер]]
[[Санат:Абай ауданы (Шығыс Қазақстан облысы) сәулеті]]
[[Санат:Қазақстан ескерткіштері]]