Есенбай Дүйсенбайұлы бетінің бастапқы мәтінін қарау

'''Есенбай Дүйсенбайұлы''' - [[1940]] жылы 16 мамырда [[Ақтөбе облысы]], [[Байғанин ауданы]], Қалдайбек ауылында туған. 
*[[Қазақ мемлекеттік университеті]]нің филология факультетін бітірген ([[1963]]).
*Еңбек жолын Жарқамыс орта мектебінде қазақ тілі мен әдебиетінің мүғалімдігінен бастаған. 
*Темір және Байғанин аудандық, [[Ақтөбе облысы|Ақтөбе облыстық]] газеттерінде әдеби қызметкер, редактордың орынбасары, бөлім меңгерушісі, аға тілші болды. 
*[[1978]] — [[2009]] жылдары республикалық «Жазушы», «Жалын», «Ана тілі», «Өлке», «Раритет», «Білім» баспаларында аға редактор, Қазақстан Даму институтының «Саясат» журналында редактор, жетекші редактор, редактор-аудармашы, директор-редактор қызметтерін атқарды. 
*Қазір [[Жазушы баспасы|«Жазушы» баспасында]] Бас редактор. 
== Шығармашылығы ==
Тұңғыш жыр жинағы [[1971]] жылы «Бозала таң мен Бозторғай» деген атпен «Жазушы» баспасынан жарық көрді. Кейін 
*«Ақпейіл» ([[1974]]), 
*«Үлаң-ғайыр» ([[1977]]), 
*«Ашықаспан» ([[1979]]), 
*«Ақ желкенді ағыстар» ([[1979]]), 
*«Біздің толқын» ([[1981]]), 
*«Ашық хат», ([[1982]]), 
*«Таң торғайы» ([[1988]]), 
*«Үшбүлақ» ([[1990]]), 
*«Пешене» ([[2005]]) және балаларға арналған «Әліппе — тілашар» ([[1995]]), 
*«Санамақ» ([[1996]]), 
*«Менің жаңа астанам», 
*«Жаңбыр әні» ([[2003]]), 
*«Әріптер мен сандар әлемі» ([[2007]]), сондай -ақ таңдамалы жырларының екі томдық жинақтары жарық көрген. «Қожа Ахмет Йасауи. Хикмет» атты көркем аудармасы [[1998]] жылы «Жалын» баспасынан шыққан.

М.Горькийдің «Әдебиет туралы», академик Г.Ломидзенің «Ұлы достық үлағаты» кітаптарын, палистиналық ақын әл-Хамиси, қырғыз шайыры Б.Абакиров жырларын, екі томдық орыс поэзиясы антологиясын қазақ тіліне аударуға қатысқан. [[1998]] жылы [[Қожа Ахмет Иасауи|Қожа Ахмет Йасауи]] хикметтерінің қазақша көркем аудармасы Түркияның Измир қаласында жеке кітап болып шықты.<ref>“ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6</ref>

Ақын ұзақ жыл баспа саласында қызмет істей жүріп, 100-ге жуық поэзиялық, прозалық кітаптар қүрастырған. Оның ішінде: «Екі мың жылдық дала жыры» («Қазақ энциклопедиясы», [[2000]]), тоғыз томдық «Қазақтар» атты энциклопедиялық анықтамалық (Қазақстан Даму институты, [[2003]]), «Дала даналары» (Қазақстан Даму институты, [[2001]]), «Нар заман мен зар заман поэзиясы» («Раритет», [[2002]]), екі томдық «Жеті ғасыр жырлайды» («Жазушы», [[2004]]), қазақ ақын-жазушыларының ең таңдаулы жауһарлары сүрыпталған жүз томдық «Алтын қор» сериясының елу томы («Раритет», [[2000]] — [[2006]]) бар.

Ұлы Абайдың 150 жылдығы құрметіне тұңғыш рет өткізілген республикалық жазба ақындар мүшәйрасы Бас жүлдесінің иегері. 1996 жылы Жамбыл атындағы Халықаралық сыйлық алды. 1990 жылы «Үшбүлақ» жыр кітабы үшін Қазақстан Жазушылар одағының I.Жансүгіров атындағы сыйлығы берілген. Байғанин ауданының, Ақтөбе қаласының Құрметті азаматы, ҚР Мәдениет және ақпарат министрлігінің «Мәдениет қайраткері» белгісімен, «Ерен еңбегі үшін» медалімен марапатталған.<ref>Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса   - Алматы: «Аң арыс» баспасы, 2009 жыл</ref>
==Дереккөздер==
<references/>
{{Stub: Қазақ әдебиеті}}
{{wikify}}

{{Суретсіз мақала}}

[[Санат:Тұлғалар]]
[[Санат:Қазақстан жазушылары]]
[[Санат:Ақтөбе облысы]]
[[Санат:1940 жылы туғандар]]