Бұршақбай тамы бетінің бастапқы мәтінін қарау

'''Бұршақбай тамы''' - сәулет өнері ескерткіші ([[1867 жыл|1867]]). [[Ақтөбе облысы]], [[Әйтеке би ауданы]] [[Қарабұтақ (Әйтеке би ауданы)|Қарабұтақ ауылы]]ның солтүстік-шығысына қарай 5 км жерде. 


Ескерткішті бірінші рет 1987 жылы [[Қазақстан ғылым академиясы]]ның Тарих, археология және этнология институтының [[Батыс Қазақстан этнографиялық экспедициясы]] (жетекшісі С.Е.[[Серік Ескендірұлы Әжіғалиев|Әжіғалиев]]) зерттеген. 

Кесене 9,50х9,50 шаршы метрлі төртқырлы [[пирамида]] тәрізді күмбезді ғимарат. Ішке енетін ойық батыстан оңтүстікке қарай 20 градус қиғаш доғалдана салынған. Бұл бөлік алғашында шағын портал-қалқамен безендіріліп, ғимарат бұрыштары мұнараға ұқсастырылып бекітілген. Кесене [[саман]] араластырылып саздан құйылған 7 — 8 х 17 — 18 х 34 — 35 см көлемдегі шикі кірпіштен тұрғызылған. Сақталған бөлігінің ең жоғары биіктігі 5,20 м. Ішкі жағында кесене қабырғаларының әрқайсысы жарты шар тектес үш-үштен тайыздау қуыстармен өрнектелген. Бөлменің ішінде шикі кірпіштен шығыстан батысқа қарай созылған “[[сағана]]” тәрізді баспалдақты қабіртастың қалдығы байқалады. Осы бойда батыс қабырғаның сыртына құлпытас қойылған. Қазір солтүстік-шығысқа қарай қисайып кеткен бұл құлпытас көпқатарлы қазақ құлпытастарының сәнді-мүсіндік түріне жатады. Бұршақбай тамы 19 ғасырдың екінші жартысындағы қазақтың тұрғын үй құрылысының белгілері байқалатын және тас қашау өнерінің, эпиграфиканың іздері сақталған [[ескерткіш]].<ref>Қазақ Энциклопедиясы II том</ref>

== Дереккөздер==
<references/>

== Сыртқы сілтемелер ==
* [http://adilet.zan.kz/kaz/docs/V10C0003337 Ақтөбе облысының жергілікті маңызы бар тарих және мәдениет ескерткіштерінің мемлекеттік тізімін бекіту туралы]


{{Суретсіз мақала}}

[[Санат:Қазақстан кесенелері]]
[[Санат:Әйтеке би ауданы сәулеті]]
[[Санат:1867 жылы пайда болғандар]]