Бұланты экспедициясы бетінің бастапқы мәтінін қарау

'''Бұланты экспедициясы''', халық бірлігі және ұлттық тарих жылына орай [[Жезқазған]]да ұйымдастырылған (1998). Тарихи-этнографиялық бұл экспедиция [[Бұланты шайқасы]]на қатысты Таңбалы Нұра-Білеуті, [[Қалмаққырылған]]—[[Бұланты]], Шұбартеңіз—Дулығалы—Ұлытау бағыттары бойынша жүріп өтті. Қалалық [[мұрағат]] ұйымдастырған [[экспедиция]] жұмысына Қарағанды мемлекет және Жезқазған университетінің [[археология]], [[этнология]] және тарих кафедраларының ғалымдары қатысты. Сапар кезінде [[Қаныш Имантайұлы Сәтбаев|Қаныш Сәтбаев]] болжамы бойынша ру басшыларының алғашқы алқалы кеңесі «қазақ» деген халықты өмірге келтірді дейтін Таңбалы Нұрадағы тасқа басылған таңбалар зерделенді, қазақ жасақтарының 18 ғасырда жоңғарларға күйрете соққы берген жерлері — Білеуті, Бұланты, Шұбартеңіз бойы зерттелді.Қалмаққырылған тауындағы қазақ батырлары жерленген биікке ескерткіш белгі орнатылды. Экспедиция жұмысының қорытындысы жайлы ЖезУ (1998) өткізген Марғұлан оқуларында кеңінен хабарланып, жергілікті [[баспахана]]дан «Бұланты шайқасы» кітапшасы шығарылды.<ref>Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5</ref>

==Дереккөздер==
<references/>
{{wikify}}

{{Суретсіз мақала}}

[[Санат:Қарағанды облысы]]
[[Санат:1998 жыл]]
[[Санат:Қазақстандағы археология]]