Боев Сергей Николаевич бетінің бастапқы мәтінін қарау

'''Боев Сергей Николаевич''' ''(17 ақпан 1905 жылы, [[Орал|Орал қаласында]] туған — 12 мамыр 1987 жылы, [[Алматы|Алматы қаласында]] қайтыс болған)'' — ғалым, [[малдәрігерлік]] ғылымының докторы ''(1953 жылы)'', [[Қазақстан Республикасы Ұлттық Ғылым Академиясы|Қазақстан Ғылым Академиясының]] академигі ''(1954 жылы)'', [[Қазақстан]]ның еңбегі сіңірген ғылыми қайраткері ''(1947 жылы)''. [[Саратов зоотехника-малдәрігерлік институты]]н бітірген ''(1932 жылы)''. ''1932 — 54 жылдары'' [[Қазақ малдәрігерлік ғылыми-зерттеу институты]]ның лаборатория меңгерушісі, директордың  орынбасары ''(1954 — 55 жылдары)''. ''1956 — 80 жылдары'' [[Зоология институты]]нда лаборатория меңгерушісі, ''1980 — 87 жылдары'' сонда ғылыми кеңесші болды. Негізгі ғылыми еңбектері [[үй малдары]] мен тұяқты жабайы аңдарда кездесетін [[гельминт]]терді зерттеуге арналған. Ол малда болатын [[Жалпақ құрттар|құрттардың]], әсіресе, тұяқты жануарлардың өкпесіндегі жұмыр құрттардың [[нематода|(нематодалар)]] түр сипатын, жүйеленуін зерттеді. Өкпе құрттарының 11 жаңа түрін ашты, туыстас, тұқымдас жіктеулерін жетілдірді; қойдың, сиырдың, түйенің, шошқа мен бұғының ас қорыту органдарында болатын құрттар терең зерттеліп, олармен күресу шаралары белгіленді. Ол тұңғыш рет ішек-қарын құрттарынан сақтану мақсатында малға [[фенотиазин]] дәрісін тұзбен, жеммен қоса пайдалану тәсілін ұсынды. Қазақстанда кездесетін [[трихинеллез]], көп камералы эхинококкоз ауруларының табиғатын зерттеді. [[Гельминтология]]да егіз-қосарлы түрлерді, табиғи ошақты аурулардың пайда болуының теориялық мәнін ашуға көп үлес қосты. 2 рет “Құрмет Белгісі” орденімен марапатталған, [[Скрябин Константин Иванович|К.И. Скрябин]] атындағы сыйлық лауреаты ''(1980 жылы)''.<ref name="source1">“Қазақ Энциклопедиясы”, 2 том</ref>

==Шығармалары==

1. [["Определитель паразитических нематод"]] -Мәскеу, 1952;

2. [["Легочные нематоды копытных животных Казахстана"]] - Алматы, 1957;

3. [["Основы нематодологии"]] -Мәскеу, т.25, 1975; т.26, 1976;

4. [["Трихинеллы и трихинеллез"]] — Алматы, 1978;

5. [["Strongylata"]] — (ағылшынша) Jerusalem, Israel, 1962;

==Сілтемелер==
1. [http://biografia.kz/famous/1618 "Боев Сергей Николаевич"]

==Дереккөздер</span>== 
<references/>

{{wikify}}

{{Суретсіз мақала}}

[[Санат:Қазақстан ғалымдары]]


{{stub}}