Аң өсіру бетінің бастапқы мәтінін қарау

'''Аң өсіру ''' – құнды терісі, шипалы [[мүйіз]]і үшін аңды көбейту; мал шарушылығының бір саласы. Құнды аң терісін дайындап, өткізуде республикамыз бұрынғы Одақ көлемінде 2-орынды иемденген. Аң өсірудің үш түрі бар: 1) торда өсіру. Мұнда әр аң жеке не үйірімен торда ұсталады; 2) еркіне жіберіп өсіру. Мұнда аң еркімен жүреді, бірақ телім қоршаулы болады; 3) азды-көпті еркімен жіберіп өсіру. Мұнда аңның ересегі торда ұсталады да, күшігі қоршалған телімге жіберіліп, үнемі қосымша жем беріледі. Еркіне жіберіп өсірілген аңның терісі сапалы болады. Аңды дұрыс қоректендірудің айрықша маңызы бар. Азықта А т.б. [[витамин]]дер (құрғақ [[ірімшік]], [[балық|балық қалдықтары]], [[итбалық]] еті, т.б.) мол болуға тиіс. Аң шаруашылықтары мен [[қожалық]]тарында жыл маусымына қарай әр түрлі жұмыстар жүргізіледі: аңды шағылыстыру, буаз кезінде күту, күшігін өсіру, бонитировкалау, сою, т.б. Терісі құнды қара және көк [[түлкі]], [[полярлық ақ түлкі]], қара [[күзен]], [[бұлғын]], [[қама]], т.б. көбінесе көктемде немесе жазғытұрым күшіктейді. Қазақстанда [[марал]], теңбіл [[бұғы]], қара түлкі өсіретін шаруашылықтар да бар. 
<ref>[[Қазақ ұлттық энциклопедиясы]], I том</ref>

== Сыртқы сілтемелер ==
* [http://www.elicense.kz/LicensingContent/ActivityType?ActivityType.Id=5137/ Аң өсіру және аң шаруашылығы]
* [http://www.egemen.kz/299077.html/ Қазақстан Республикасы Ауыл шаруашылығы министрлігінің бұйрығы ]

==Дереккөздер==
<references />

{{wikify}}

{{Суретсіз мақала}}

[[Санат:Қазақстан табиғаты]]
[[Санат:Зоология]]


{{stub}}