Ақбикеш мұнарасы бетінің бастапқы мәтінін қарау

'''Ақбикеш мұнарасы''' – Қаратаудың батыс сілемдеріндегі [[Ақсүмбе (ауыл)|Ақсүмбе]] кентінен оңтүстікке қарай орналасқан биік жота басындағы тарихи ескерткіш. Мұнара «Ақсүмбе» деген атпен тарихшы [[Шараф әд-Дин әл-Жүзді]]нің «Зуфар-намесінде» («Жеңіс кітабы») Әмір Темірдің 1389 – 90 жылдардағы [[Тоқтамыс]]қа қарсы жорықтарын сипаттағанда [[Дешті Қыпшақ]] даласын бақылап отыру үшін Қаратау шыңына салынған қарауыл мұнарасы ретінде айтылады.

Осы күнге дейін жеткен әр түрлі аңыздарда мұнараны [[Ақбикеш]] арудың есімімен байланыстырады. Мұнара жартас арасын ірі қиыршық тастармен толтырып жасаған іргеліктің үстіне шикі кірпіштен тұрғызылған. Пішімі жұмыр. Мұнараның ішіне кіретін бір, айналаны бақылау үшін жасалған екі ойығы бар. Оның бірі батыс асуға, екіншісі солтүстік-шығыс жаққа қараған. Мұнара композициясы өзгеше. Шикі кірпіштен салынып, орта ғасырдан бүгінге дейін жеткен бұл мұнараның [[Қазақстан]] сәулет өнері тарихында алатын орны ерекше.<ref name="test">Оңтүстік Қазақстан облысының энциклопедиясы.</ref><ref>Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8</ref>

==Дереккөздер==
<references/>
{{Stub:Қазақ мәдениеті}}
{{wikify}}

{{Суретсіз мақала}}

[[Санат:Мәдениет]]